Stotrarnava /774

2026-04-03 16:54:26 by ambuda-bot

This page has not been fully proofread.

७२८

अनुबन्ध : I

येनानिलात्मजगतेन रथी चिराय
नानायुधैर्विहितसंयदसौ चचाल ।
लीनात्मशक्तिरथ बाणहतो भृशार्तो

दीनायतेऽपि [स्म ] करतोऽपि विसृष्टचापः ॥ ७६॥
त्वं गच्छ संयति मदीयशरैर्विभिन्न-

स्त्वङ्ग प्रविश्य विगतश्रम एप [व] लङ्काम् ।
त्वङ्गद्रथादिसहितः पुनरेहि जन्य-

रङ्गस्थलीमिति यतोऽभिहितो दशास्यः ॥ ७७ ॥
रक्षोऽधिपोऽनुजमथो निजमात्तनिद्र

संक्षोभचित्त उदबोधयदुत्थितोऽसौ ।
विक्षोभयन्नुरुबलेन कपीशसेनां

शिक्षोद्यतः कलशकर्ण उपाद्रवद्यम् ॥ ७८ ॥

गोत्रप्रमाणतनुरेष कपीन्द्र वाहि-

गात्रः प्रहृष्टहृदयः प्रविवेश लङ्काम् ।

नेत्रप्रियः पलभुजां तदुदीरितात्म-

स्तोत्रस्ततः कपिवरः क्रमशः प्रबुद्धः ॥ ७९ ॥

तेनानुजासमदशो रचितः सुरादि-

पानातिमत्त उररीकृतशूल एपः ।

नानास्त्रविज्जनवरेण विखण्डिताङ्गो

येनामरप्रियकरीं मृतिमाशु नीतः ॥ ८० ॥

जम्भारिजित्तदनु कोपवता स्वपित्रा

संभावितोऽपि यममोहयदव्जजास्त्रम् ।

स्तम्भावहं यदनुजप्रमुखान् प्रसह्य [ युज्य ]

डम्भावितः स्वपितृमानसमोदकारी ॥ ८१ ॥

वातात्मजाहृतमहौषधिपर्वतेन

वीतात्मचेतनयदीयकनिष्ठमुख्याः ।

याताश्च योऽपि गतपीडनतामसृक्प-

जेता विधिर्हि निखिलैर्दुरतिक्रमः स्यात् ॥ ८२ ॥

इन्द्रात्मजस्य तनयेन यदङ्घ्रिभाजा

तन्द्रालु भावरहितेन किलाङ्गदेन ।

चन्द्राननेन विलयं नरकान्तकोऽगात्

सन्द्राविताखिलकपिः समितौ बलेन ॥ ८३ ॥