Stotrarnava /768

2026-04-03 16:54:25 by ambuda-bot

This page has not been fully proofread.

७२२

अनुबन्धः I

पाशायुधाहिरिपुकालधनाधिपाना-

माशासु वानरवरानहिनोत् कपीन्द्रः ।
साशाभरस्य पृथिवीदुहितर्यशेष-

देशावलोकनपटून् प्रमुदे च यस्य ॥ २८ ॥

कान्तारभूमिषु विचित्य सुतोऽञ्जनायाः
शान्ताकृतिः सह च वालिसुतेन यस्य ।
कान्तामचिन्त्य महिमामुपलभ्यदुःख-
ध्वान्ताभिभूतहृदवाप समुद्रतीरम् ॥ २९ ॥

वाराकरावृतमहीध्रगतान् यदीय-

दारानवेत्य हनुमानथ गृध्रवाचा ।
वीरायितेन तुलया रहितो बभूव

धीरामणीस्तदवलोकनजातवाञ्छः ॥ ३० ॥

शैले यदङ्गुलिविभूषणभृन्महेन्द्रे

शैलेयगन्धभरितेऽभिललाष तिष्ठन् ।
शैलेशतुल्यविभवे तरणं पयोधेः

शैलेशसन्निभतनुर्मरुतः कुमारः ॥ ३१ ॥

स्थित्वा समीरतनयः पृथिवीधरेऽस्मिन्

नत्वा सलक्ष्मणकपिप्रवराय यस्मै ( कपीशमहीसुतं यम्) ।

कृत्वा पयोधितरणेऽभिहरि प्रतिज्ञां

हित्वा जवेन तमसौ गिरिमुत्पपात ॥ ३२ ॥

मीना दिसत्त्वनिविडोदधिजृम्भमाणं

मैनाकमश्रमतया समतीत्य दूतः ।

वीनामधीशमपि यस्य जयञ्जवेन

नानामहीधगणमाशु तमुत्ततार ॥ ३३ ॥

सन्ताडनेन रजनीचरनाथपुर्याः

सन्तापमुद्रमुपपाद्य सुतोऽञ्जनायाः ।
हन्तास्य वेश्मनि विचित्य यदीयपत्नीं
दन्ता लिनिर्जितविधुं तददर्शनार्तः ॥ ३४ ॥

हृद्ये निशाचरकुलाधिपतेरपास्ता-

व त्वशोकविपिने महिषी यदीया ।
यद्येन भङ्गमुपयास्यति तेन नुन्ना-

विद्येन वायुजनुषा ददृशे स्वभाग्यात् ॥ ३५ ॥