Stotrarnava /767

2026-04-03 16:54:25 by ambuda-bot

This page has not been fully proofread.

श्रीदशावतारस्तोत्रम्

राज्येऽभिषिच्य सुहृदं कपिभूमिपालं
पूज्येऽथ वर्षसमयं गमयांवभूव ।
प्राज्ये च माल्यवति योगिगणैर्मृगाणां

राज्ये भमुख्यवति सन्ततकन्दरे यः ॥ २० ॥
विद्योतमानमचिरप्रभयाभ्रवृन्दं
प्रद्योतनांशुपटलस्य तिरोधि हेतुः ।

सद्यो मनोविकृतिमावहति स्म दारैः

नद्योऽपि वारिनिधिगा रहितस्य यस्य ॥ २१ ॥

केकरवाश्च शिखिनां गिरिनिर्झराम्भ-
स्सेकामलायतशिलातलनृत्तभाजाम् ।
मूकासितेतरपतत्तविश्रासनार्थाः

शोकाग्निदीपनकराः स्म भवन्ति यस्य ॥ २२ ॥

काले पयोधरकदम्बवति त्रियामा-

नीले तिरोहिततुषारघृणिप्रचारे ।

शैले मनोज निरुजा वसतो जजृम्भे

वेलेव यस्य हृदये जलधेर्हिमांशोः ॥ २३॥

तापेन मैथिलसुताविरहोद्भवेन

स्वापेति [sपि ] येन सहजः प्रहितो यु[Sमि ] तेन ।
कोपेन वानरपतेर्नगरीं सगन्धां

धूपेन सागरुपटीरभवेन भेजे ॥ २४ ॥

धीराभियातरजनीचर भीतिकारि-

वीरायितस्य वरचापगुणारवेण ।
वाराकरध्वनिजितावरजस्य यस्य
तारापतिर्भृशमभूदुपजातकम्पः ॥ २५ ॥

आगादधीरमनसा प्रहिता धवेन

वेगादोपजननादनुजस्य यस्य ।
सा गाढविह्वलदृशा सविधं मदेन

नागाभिरामगमना कपिराजपत्नी ॥ २६ ॥

नानाकृतीः कपिमुखाः स्ववचोनियाम्याः
सेना अशेषगिरिकानननित्यवासाः ।
आनाययत् प्रशमयन्नतिवेलको प

दीनावने कपिपतिर्निरतस्य यस्य ॥ २७ ॥

46

७२१