<page>
<title text="22_START">२२. ॥ अथ श्रीसरस्वतीप्रार्थनास्तोत्रम् ॥
 
</title>
<verse>शुभानि विदधातु नः किमपि पाणिपद्मस्थली -

विभासिशुकपोतकप्रियवचोभिरानन्दितम् ।

सुधाकर कला समुल्लसितशेखरं पद्मभू-

वशीकरणचातुरीकलितलीलमाद्यं महः ॥ १ ॥
 
</verse>
<verse>सदा हृदि विभासतां विलसदैन्दवश्रीसख-

प्रभानिकरनिर्धुता खिलजगत्तमः संहति ।

सदातनवचस्तुतातुलितवैभवं दुर्दशा-

निशातनदयारसाञ्चितविलोकनं दैवतम् ॥ २ ॥
 
</verse>
<verse>कलक्कणितनूपुरं कलितदीनरक्षाकरं
 

शशाङ्ककृतशेखरं शमितभक्तदैन्योत्करम् ।

कदा दुरितदुर्लभं कमलभूमनोवल्लभं
 

महोऽहमवलोकये महितसाहित लब्धये ॥ ३ ॥
 
</verse>
<verse>रसज्ञहृदयङ्गमस्फुरदसीमभावोदयां

तदीयरसभावनासमुचितैर्गुणैर्बन्धुराम् ।

निरर्गलविनिर्गलत्सुरधुनीतरङ्गक्रमां
 

विधातृवरवर्णनी वितरताद्वचोवैखरीम् ॥ ४ ॥
 
</verse>
<verse>विदूरय ममापदं वितर भद्रमव्याहतं
 

विधेहि विमलं यशशो विरचय प्रसादं मयि ।

सुधारस सहोदरैः शिशिरयान्तरं मामकं

दयारसतरङ्गितैर्भुवनमातरालोकनैः ॥ ५ ॥
 
</verse>
<verse>त्वामेव यामि शरणं जगदम्ब वाणि

शीतांशुखण्ड परिशोभित मौलिभागे ।

वाचालनूपुरसमञ्चितपादपद्मे
 

वाचामधीश्वर विधेहि मयि प्रसादम् ॥ ६ ॥
 
</verse>
<verse>भाष्यकारेण रचिता जीयद्वाग्देवतानुतिः ।

श्रीकालहस्तीशगुरुवर्यपादाब्ज<delete>सेवया </delete> <add>[सेविना ]</add> ॥ ७ ॥
 
</verse>
<trailer text="22_END">॥ इति श्रीसरस्वती प्रार्थनास्तोत्रं सम्पूर्णम् ॥
 
</trailer>
</page>