<page>
<ignore>६७४
 
देवीस्तोत्रेषु
 
</ignore>
<verse>पूजान्ते तु जपात् पूर्वं कवचं समुदीरयेत् ।

अस्य श्रीकवचस्यास्य ऋषिरानन्दभैरवः ॥ १३ ॥
</verse>
<verse>श्रीविद्या देवता च्छन्दो गायत्री रुचिवृत्तिकम् ।

रामा बीजं पराशक्तिर्वाग्भवं कीलकं स्मृतम् ॥ १४ ॥
</verse>
<verse>मम सर्वार्थसिद्धध्यर्थे जपे तु विनियोगत: ।
तः ।
अङ्गुष्ठाग्रे वाग्भवं च हृल्लेखा तर्जनी न्यसेत् ॥ १५ ॥
</verse>
<verse>लक्ष्मीबीजं मध्यमायामङ्गिराऽनामिका तथा ।

परा बीजं कनिष्ठायां लक्ष्मीं करतले न्यसेत् ॥ १६ ॥
</verse>
<verse>हृदये वाग्भवं न्यस्यात् परां शिरसि च न्यसेत् ।

लक्ष्मीबीजं शिखायां च सर्वाङ्गे वाग्भवं न्यसेत् ॥ १७ ॥
</verse>
<verse>हृल्लेखं नेत्रयोर्न्यस्यात् अस्त्रं तु कमलां न्यसेत् ।

भूर्भुवःस्वेति मनुना दिग्बन्धनमथाचरेत् ॥ १८ ॥
</verse>
<verse>ध्यानं तस्य प्रवक्ष्यामि धर्मकामार्थमोक्षदम् ।

न्यासध्यानादिकं सर्वं कृत्वा तु कवचं पठेत् ॥ १९॥
</verse>
<verse>क्षीरसागर<delete>मन्मध्ये </delete><add>[ मध्यस्थे ]</add> रत्नद्वीपे मनोहरे ।

रत्नसिंहासने दिव्ये तत्र देवीं विचिन्तयेत् ॥ २० ॥
</verse>
<verse>कोटिसूर्यप्रतीकाशां चन्द्रकोटिनिभाननाम् ।
 

दाडिमीपुष्पसंकाशां कुंकुमोदरसन्निभाम् ॥ २१ ॥
</verse>
<verse>जपाकुसुमसंकाशां त्रिणेत्रां च चतुर्भुजाम् ।
 

पाशाङ्कुशधरां रम्यामिक्षुचापरान्विताम् ॥ २२ ॥
 
</verse>
<verse>कर्पूरशकलोन्मिश्रताम्बूलापूरिताननाम् ।
 

सर्वशृङ्गारवेषाढ्यां सर्वावयवशोभिनीम् ॥ २३ ॥
 
</verse>
<verse>सर्वायुधसमायुक्तां प्रसन्नवदनेक्षणाम् ।
 

सपरीवारसावर्णाणां सर्वोपचारपूजिताम् ॥ २४ ॥
 
</verse>
<verse>एवं ध्यायेत्ततो वीर कवचं सर्वकामदम् ।

आवर्तयेत् स्वदेहे तु सर्वरक्षाकरं शुभम् ॥ २५ ॥
</verse>
<verse>शिखायां मे हौः <delete>ह्लौः</delete> <add>[हलौ ]</add> पातु <delete>रहौ </delete> <add>[ सहौ ]</add> मे चक्ररन्ध्रके ।

<delete>वामदक्षिणभागे च ह्रौलौ पातु मां सर्वदा ॥
 
</delete>
<add>[ सर्वदा ह्रौ च मां पातु वामदक्षिणभागयोः ]</add> ॥ २६ ॥
</verse>
<verse>ऐं ह्रीं श्रीं सर्वदा पातु षोडशी सुन्दरी परा ।
 

श्रीं ह्रीं ह्रींक्लीं सर्वदा पातु ऐं सौं ओं पातु मे सदा ॥ २७ ॥
 
</verse>
</page>