<page>
<ignore>६६८ देवीस्तोत्रेषु</ignore>
<verse>आदिक्षान्तामक्षरमूर्त्या विलसन्तीं
भूते भूते भूतकदम्बप्रसवित्रीम् ।
शश्वद्ब्रह्मानन्दमयीं तां तनुमध्यां
गौरीमम्बामम्बुरुहाक्षीमहमीडे ॥ ८ ॥</verse>
<verse>नित्यः शुद्धो निष्कल एको जगदीशः
साक्षी यस्याः सर्गविधौ संसरणे च ।
विश्वत्राणक्रीडनलीलां <delete>न</delete><add>[भ]</add>वपत्नीं
गौरीमन्वामम्बुरुहाक्षीमहमीडे ॥ ९ ॥</verse>
<verse>प्रातःकाले भावविशुद्ध्यै प्रणिधाना-
द्भक्त्या नित्यं जप्यति गौरी<error>री</error><fix>द</fix>शकं यः ।
वाचां सिद्धिं सद्धनमुक्ती शिवभक्तिं
तस्यावश्यं पर्वतपुत्री विदधाति ॥ १० ॥</verse>
<verse>प्रत्याहारध्यानसमाधिस्थितिभाजां
नित्यं चित्ते निर्वृतिकाष्ठां कलयन्तीम् ।
सत्यज्ञानानन्दमयीं तां तनुमध्यां
गौरीमम्बाम्बुरुहाक्षी महमीडे ॥ ११ ॥</verse>
<trailer text="12_END">॥ इति श्रीगौरीदशकं सम्पूर्णम् ॥</trailer>
<title text="13_START">१३.॥ अथ श्री अखिलाण्डनायिकादण्डकः ॥</title>
<subtitle>भास्करकविकृतः</subtitle>
<verse n="1">कदम्बतरुमञ्जरीकलितकर्णपूरोज्ज्वलं
कलक्वणविपञ्चिकाकलनदत्तकर्णोत्सवम् ।
करस्फुरितशारिकं कठिनपीनतुङ्गस्तनं
जगत्त्रितयमङ्गलं जयति मन्मनोमन्दिरे ॥ १ ॥</verse>
<p n="2" merge-next="true">जय जय जगदेकमातः शिवे देवि जम्बूपतीशानहृन्मोदकृन्मारसञ्जीवनोद्दाम-
शोभाभिरामाखिलाङ्गोज्ज्वले चम्पकाशोकपुन्नागसालासनश्रीफलोदुम्बराश्वत्थ-
जम्बूलसच्चन्दनाद्युर्वराजातराजीनिरस्तारूणाभापदस्वीयवेलासमुद्भासिसह्यात्मजा-
पूरयोर्मध्यगे वारिजातावलीगर्भनिर्यत्ननिर्यन्मधुरखादहृष्यद्द्विरेफाङ्गनाचारुसङ्गीत-
वन्मञ्जुशाखासुडोलाविहारप्रियस्वप्रियायुक्प्रियस्वानवन्याप्रियस्वादुकेकालसत्केकि-
षण्डाकुले, चण्डभानुद्विषच्चण्डरामाब्जभूचन्द्रकुम्भोद्भवश्रीमदिन्द्राग्निजम्बूमहा-
तीर्थराजावलीतीरभूमल्लिकायूथिकामालतीपूर्ववीरुत्समुद्भूतपुष्पोत्क<add>[र]</add>स्मेर-
गन्धाभिरामातिबालानिलस्वैरसञ्चारसञ्जातसम्मोददिव्याङ्गनालीलसद्गोपुरालङ्कृते,</p>
</page>