<page>
<ignore>६५८
 
देवीस्तोत्रेषु
 
</ignore>
<verse>मत्तेभवक्त्रजननीं मृडदेहयुक्तां

शैलाग्रमध्यनिलयां वरसुन्दराङ्गीम् ।

कोटीश्वराख्यहृदि संस्थितपादपद्मां
 

त्वां साम्प्रतं त्रिपुरसुन्दरि देवि वन्दे ॥ ५ ॥
</verse>
<verse>बाले त्वत्पादयुगलं ध्यात्वा सम्प्रति निर्मितम् ।

नवीनं पञ्चरत्नं च धार्यतां चरणद्वये ॥ ६ ॥
</verse>
<trailer text="8_END">॥ इति श्रीत्रिपुरसुन्दरीपञ्चरत्नस्तवः सम्पूर्णः ॥
 
</trailer>
<title text="9_START">९. ॥ अथ श्रीकामाक्षीस्तोत्रम् ॥
</title>
<verse>काञ्चीनूपुररत्नकङ्कणलसत्केयूरहारोज्ज्वलां

काश्मीररारुणकञ्चुकाञ्चितकुचां कस्तूरिकाचर्चिताम् ।

कल्हाराञ्चितकल्पकोज्ज्वलमुखीखीं कारुण्यकल्लोलिनीं
 

कामाक्षीषीं कलयामि कल्पलतिकां काञ्चीपुरीदेवताम् ॥ १ ॥
</verse>
<verse>कामारातिमनःप्रियां कमलभूसेव्यां रमाराधितां

कन्दर्पाधिकदर्पदानविलसत्सौन्दर्यदीपाङ्कुराम् ।

कीरालापविनोदिनीं भगवतीं काम्यप्रदानत्व्रतां
 

कामाक्षीं कलयामि कल्पलतिकां काञ्चीपुरीदेवताम् ॥ २ ॥
</verse>
<verse>गन्धर्वामरसिद्धचारणवधूद्गेयापदानाञ्चितां
 

गौरीं कुङ्कुमपङ्कपङ्कितकुचद्वन्द्वाभिरामां शुभाम् ।

गम्भीर स्मितविभ्रमाङ्कितमुखीं गङ्गाधरालिङ्गितां
 

कामाक्षीं कलयामि कल्पलतिकां काञ्चीपुरीदेवताम् ॥ ३ ॥
</verse>
<verse>विष्णुब्रह्ममुखामरेन्द्रपरिषत्कोटीरपीठस्थलां
 

लाक्षारञ्जितपादपद्मयुगलां राकेन्दुबिम्बाननाम् ।

वेदान्तागमवेद्यचिन्त्यचरितां विद्वज्जनैरादृतां
 

कामाक्षीं कलयामि कल्पलतिकां काञ्चीपुरीदेवताम् ॥ ४ ॥
 
</verse>
<verse>माकन्दद्रुममूलदेशमहिते माणिक्यसिंहासने
 

दिव्यां दीपितहेमकान्ति<delete>निवहा </delete><add>[विलसद् ] </add>वस्त्रावृतां तां शुभाम् ।

दिव्याकल्पित दिव्य देहभरितां दृष्टिप्रमोद दावहां
 

कामाक्षी कलयामि कल्पलतिकां काञ्चीपुरीदेवताम् ॥ ५ ॥
</verse>
<verse>आधारादिसमस्तचक्रनिलयामाद्यन्तशून्यामुमा-
 

माकाशादिसमस्तभूतनिवहाका रामशेषात्मिकाम् ।
 

योगीन्द्रैरति योगिनीशतगणैराराधितामम्बिकां
 

कामाक्षीं कलयामि कल्पलतिकां काञ्चीपुरीदेवताम् ॥ ६ ॥
 
</verse>
</page>