<page>
<ignore>श्रीमातृस्तवः
 
६५१</ignore>
<verse>तत्त्वे तत्त्वमयी परात्परमयि ज्योतिर्मयी चिन्मयि

नादे नादमयी सदाशिवमयी तत्त्वार्थसारा<delete>मयि</delete><add>[त्मिके]</add> ।

शब्दब्रह्ममयी चराचरमयी वेदान्तरूपात्मिके
 

दासोऽहं तव पादपद्मयुगलं वन्देऽखिलाण्डेश्वरि ॥ ८ ॥
</verse>
<verse>कदम्बवृक्षमूले त्वं वासिनि शुभधारिणि ।

धराधरसुते देवि मङ्गलं कुरु शङ्करि ॥ ९ ॥
</verse>
<verse>ध्यात्वा त्वां देवि दशकं ये पठन्ति भृगोर्दिने ।

तेषां च धनमायुष्यमारोग्यं पुत्रसंपदः ॥ १० ॥
 
</verse>
<trailer text="1_END">॥ इति श्री अखिलाण्डेश्वरीस्तोत्रं सम्पूर्णम् ॥
 
</trailer>
<title text="2_START">२. ॥ अथ श्रीमातृस्तवः ॥
</title>
<verse>चाञ्चल्यारुणलोचनाञ्चितकृपाचन्द्रार्कचूडामणि
णिं
चारुस्मेरमुखीं चराचरजगत्संरक्षणीं तत्पदाम् ।

चञ्चच्चम्पकनासिकाग्रविलसन्मुक्तामणीरञ्जितां
 

श्रीशैलस्थलवासिनीं भगवतीं श्रीमातरं भावये ॥ १ ॥
</verse>
<verse>कस्तूरीतिलका ञ्चितेन्दु विलसत्प्रोद्भासि फालस्थलीं

कर्पूरद्रवमिश्रचूर्णखदिरां मेदोलसद्द्वीपिकाम् ।

लोलापाङ्गतरङ्गितैरधिकृपासारैर्न तानन्दिनीं
 

श्रीशैलस्थलवासिनीं भगवतीं श्रीमातरं भावये ॥ २ ॥
 
</verse>
<verse>राजन्मत्तमरालमन्दगमनां राजीवपत्रेक्षणां
 

राजीवप्रभवादिदेवमकुटीरराजत्पदाम्भोरुहाम् ।
 

राजीवायतमन्दमण्डितरुचां राजाधिराजेश्वरीं
 

श्रीशैलस्थलवासिनीं भगवतीं श्रीमातरं भावये ॥ ३ ॥
 
</verse>
<verse>षट्ताराङ्गणदीपिकां शिवसतीं षड्वैरिवर्गापहां
 

षट्चक्रान्तरसंस्थितां वरसुधां षड्योगिनीवेष्टिताम् ।

षट्चक्राञ्चितपादुकाञ्चितपदां षडड्भावगां षोडशीं

श्रीशैलस्थलवासिनीं भगवतीं श्रीमातरं भावये ॥ ४ ॥
 
</verse>
<verse>श्रीनाथात् कृतपालितत्रिभुवनां श्रीचक्रसंचारिणीं

ज्ञानासक्तमनोज यौवनलसद्गन्धर्वकन्याकृ<delete>ता </delete><add>[ति ]</add>म् ।

दीनानामतिवेगभाग्यजननीं दिव्याम्बरालङ्कृतां
 

श्रीशैलस्थलवासिनीं भगवतीं श्रीमातरं भावये ॥ ५ ॥
 
६५१
 
</verse>
</page>