<page>
<ignore>॥ श्रीसुब्रह्मण्यस्तोत्राणि ॥
</ignore>
<title>१. ॥ अथ श्रीसुब्रह्मण्यषट्कम् ॥
</title>
<verse>शरणागतमातुरमाधिजित
 
तं
करुणाकर कामद कामहतम् ।

शरकाननसम्भव चारुरुचे
 

परिपालय तारकमारक माम् ॥ १ ॥
 
</verse>
<verse>हरसारसमुद्भव हैमवती-

करपल्लवलालित कम्रतनो ।
 

मुरवैरिविरिञ्चिमुदम्बुनिधे
 

परिपालय तारकमारक माम् ॥ २ ॥
 
</verse>
<verse>शरदिन्दुसमानषडाननया
 

सरसीरुहचारुविलोचनया ।
 

निरुपाधिकया निजवालतया
 

परिपालय तारकमारक माम् ॥ ३ ॥
 
</verse>
<verse>गिरिजासुत सायकभिन्नगिरे
 

सुरसिन्धुतनूज सुवर्णरुचे ।
 

शिखितोकशिखावलवाहन हे
 

परिपालय तारकमारक माम् ॥ ४ ॥
 
</verse>
<verse>जय विप्रजनप्रिय वीर नमो
 

जय भक्तजनप्रिय भद्र नमो ।
 

जय शाख विशाख कुमार नमः
 

परिपालय तारकमारक माम् ॥ ५ ॥
 
</verse>
<verse>परितो भव मे पुरतो भव मे
 

पथि मे भगवन् भव रक्ष गतिम् ।
 

वितराशु जयं विजयं परितः
 

परिपालय तारकमारक माम् ॥ ६ ॥
 
</verse>
<verse>इति कुक्कुट केतुमनुस्मरतां
 

पठतामपि षण्मुखषट्कमिदम् ।
 

भजतामपि नन्दनमिन्दुभृतो
 

न भयं कक्वचिदस्ति शरीरभृताम् ॥ ७ ॥
 
</verse>
</page>