<page>
<ignore>५१२
 
प्रकीर्णस्तोत्रेषु
 
</ignore>
<verse>अम्बुजासनार्चित विडम्बमानसोज्ज्वलं
 

कराम्बुजाम्बुधीश्वरं महाम्बुशक्तिधारिणम् ।

कुम्भिनीमहारथं<add>[ च ]</add>जम्भ भेदिवन्दितं
 

त्रियम्बि <delete>(कुम्भि) </delete>काधवं <add>[शिवं ]</add> चिदम्बरेश्वरं भजे ॥ ५ ॥
 
</verse>
<verse>वटविटपिसमीपे भूमिभागे निषण्णं
 

सकलमुनिजनानां ज्ञानदातारमारात् ।

त्रिभुवनगुरुमीशं दक्षिणामूर्तिदेवं

जननमरणदुःखच्छेददक्षं नमामि ॥ ६ ॥
 
</verse>
<trailer text="29_END">॥ इति श्रीपञ्चलिङ्गस्तोत्रं सम्पूर्णम् ॥
 
</trailer>
<title text="30_START">३०. ॥ अथ श्रीमहादेवाष्टकम् ॥
 
</title>
<verse>मोक्षलक्ष्मीगृहद्वारकवाटोद्घाटनध्वनिः ।
 

महादेव महादेव महादेवेत्ययं ध्वनिः ॥ १ ॥
 
</verse>
<verse>वैवस्वतमहाराजमौलिसङ्कुट्टनध्वनिः ।
 

महादेव महादेव महादेवेत्ययं ध्वनिः ॥ २ ॥
</verse>
<verse>कैलासनगरद्वारमहाघण्टारवध्वनिः ।
 

महादेव महादेव महादेवेत्ययं <error>ध्वा</error><fix>ध्व</fix>निः ॥ ३॥
 
</verse>
<verse>महापातकमत्तेभत्रासकण्ठीरवध्वनिः ।

महादेव महादेव महादेवेत्ययं ध्वनिः ॥ ४ ॥
</verse>
<verse>महेश्वरमहोक्षस्य घण्टाघणघणध्वनिः ।

महादेव महादेव महादेवेत्ययं ध्वनिः ॥ ५ ॥
</verse>
<verse>मुक्त्यङ्गनाकरस्पर्शविवाहपटहध्वनिः ।

महादेव महादेव महादेवेत्ययं ध्वनिः ॥ ६ ॥
</verse>
<verse>मत्सेवनासमायातजयश्री दुन्दुभिध्वनिः ।

महादेव महादेव महादेवेत्ययं ध्वनिः ॥ ७॥
 
</verse>
<verse>पापाटवीप्रविष्टाग्निज्वालाचटचटध्वनिः ।

महादेव महादेव महादेवेत्ययं ध्वनिः ॥ ८ ॥
 
</verse>
<verse>महादेवस्य वाग्वल्ली चतुरक्षरपल्लवा ।

भक्तिसिद्धा भवत्येषा चतुर्वर्गफलप्रदा ॥ ९ ॥
 
</verse>
<trailer text="30_END">॥ इति श्रीमहादेवाष्टकं सम्पूर्णम् ॥
 
</trailer>
</page>