<page>
<ignore>५०८
 
प्रकीर्णस्तोत्रेषु
 
</ignore>
<verse>वडवामुखवह्निश्च ज्वलत्यब्धौ यदाज्ञया ।

तं नमामि महादेवं त्यागेशं भक्तवत्सलम् ॥ ३ ॥
</verse>
<verse>भूतान्यपि विरुद्धानि मिलितानि यदाज्ञया ।

तं नमामि महादेवं त्यागेशं भक्तवत्सलम् ॥ ४ ॥
</verse>
<verse>फलमन्वेति कर्तारं कर्मणां यस्य शासनात् ।

तं नमामि महादेवं त्यागेशं भक्तवत्सलम् ॥ ५ ॥
</verse>
<verse>विनाधारं जगद्येन साधारमिव निश्चलम् ।

तं नमामि महादेवं त्यागेशं भक्तवत्सलम् ॥ ६॥
</verse>
<verse>औषधे वा मणौ मन्त्रे भाति शक्तिर्यदाज्ञया ।

तं नमामि महादेवं त्यागेशं भक्तवत्सलम् ॥७॥
</verse>
<verse>नात्येति समयं ज्योतिः सिन्धुः कालश्च यद्भयात् ।

तं नमामि महादेवं त्यागेशं भक्तवत्सलम् ॥ ८॥
</verse>
<verse>ब्रह्माच्युताद्यविदितं च शिरः पदं ते
 

नासा शिलाविहित
 
<ellipsis>...
 
</ellipsis> सुहृत् प्रियायाः ।
 

तस्मै नमोऽस्तु भवते प्रणतार्तिहन्त्रे
 

त्यागेश्वराय मयि देहि दयावलोकम् ॥ ९ ॥
</verse>
<trailer text="25_END">॥ इति श्रीत्यागेशस्तुतिः सम्पूर्णा ॥
 
</trailer>
<title text="26_START">२६. ॥ अथ श्रीत्यागराजस्तवः ॥
 
</title>
<verse>नीलकन्धर फाललोचन बालचन्द्रशिरोमणे
 

कालकाल कपालमाल हिमालयाचलजापते ।
 

शूलहस्त नमूल शङ्कर मूलयोगिवरस्तुत
 

त्यागराज दयानिधे कमलापुरीश्वर पाहि माम् ॥ १ ॥
 
</verse>
<verse>हारकुण्डलमौलिकङ्कणकिङ्किणीकृतपन्नग
 

भूतिगात्र कुबेर मित्र कलत्रपुत्रसमावृत ।

नारदादिमुनीन्द्रसंनुत नागचर्मकृताम्बर
 

त्यागराज दयानिधे कमलापुरीश्वर पाहि माम् ॥ २ ॥
 
</verse>
<verse>भूतनाथ परान्तकातुलभुक्तिमुक्तिसुखप्रद
 

शीतलामलमन्दमारुतसेव्यदिव्यकलेबर ।
 

लोकनायक पाकशासनशोकवारणकारण
 

त्यागराज दयानिधे कमलापुरीश्वर पाहि माम् ॥ ३॥
 
॥</verse>
</page>