<page>
<ignore>श्रीवेङ्कटेशस्तोत्रम्
 
४९५</ignore>
<verse>श्रीमद्वेङ्कट भूधरे मणिगणैर्नानाविधैर्धातुभि-
 

र्देदीप्रे भगवान् ममास्तु गुणवान् क्षेमंकरः सर्वदा ॥ २३ ॥
 
</verse>
<verse>भक्तानां दोषभोग्यः प्रवरगुणनिधिर्मङ्गलानां निवासः

विख्यातः सर्वधाता सरसिजनयनो वेदवेदान्तवेद्यः ।

शेषाद्रौ शेषतल्पे जलधितनयया सार्धमिन्दीवराक्ष्या
 

<error>की</error><fix>क्री</fix>डन् देवाधिराजो मम तु वितरतान्मङ्गलं श्रीनिवासः ॥ २४ ॥
 
</verse>
<verse>विधिशिवविबुधेन्द्रप्राणिरक्षैकदीक्षो

विविधकलिनिहन्ता वत्सलः स्वाश्रितेषु ।

श्रुतहृदयनिवासः शीलवान् पङ्कजाक्षो
 

विलसतु मम चित्ते वेङ्कटेशो मुकुन्दः ॥ २५ ॥
 
</verse>
<verse>मरतकमणिरत्नस्फाटिकच्छन्नदिव्य-
 

प्रवरकनकभूषाभूषितः संश्रितार्थम् ।

नयनसुभगदिव्यश्यामकल्याणगात्रो
 

विलसतु मम चित्ते वेङ्कटेशो मुकुन्दः ॥ २६ ॥
</verse>
<verse>वरद निखिलबन्धो क्षान्तिसौशील्यसिन्धो

कमलनयन विष्णो शङ्खचक्रासिपाणे ।

दिवि भुवि मम बन्धो श्रीपते वेङ्कटेश
 

श्रितजन शुभकल्प श्रीनिधे त्राहि दासम् ॥ २७ ॥
 
</verse>
<verse>दिवि भुवि मम सौख्यं संप्रयच्छ प्रयच्छ

श्रुतिशिरसि विदीप्त श्रीनिधे वेङ्कटेश ।

चलमतिमविनीतं मां च कन्दर्पवश्यं
 

तव किल दयनीयं पाहि पाहि प्रसीद ॥ २८ ॥
 
</verse>
<verse>कलौ लोकनाथ प्रशस्त प्रशस्त
 

प्रियं वेङ्कटेश प्रयच्छ प्रयच्छ ।
 

हरे दीनबन्धोंधो प्रसीद प्रसीद
 

सदा वेङ्कटेशं स्मरामि स्मरामि ॥ २९ ।
 
॥</verse>
<verse>स्वामिपुष्करिणीतीरे श्रीमद्वेङ्कटभूधरे ।
 

वसते रमया सार्धं वेङ्कटेशाय मङ्गलम् ॥ ३० ॥
 
</verse>
<trailer>॥ इति श्रीवेङ्कटेशस्तोत्रं सम्पूर्णम् ॥
 
४९५
 
</trailer>
</page>