<page>
<ignore>४९४
 
प्रकीर्णस्तोत्रेषु
 
</ignore>
<verse>दातारं किल सम्पदां स्वचरणद्वन्द्वाश्रितानां सतां

दैत्यानां तु निघातिनं त्रिजगतां नाथं महावत्सलम् ।

सिंहस्कन्धमनेकरत्नरचित श्रीहारवक्षःस्थलं

श्रीमत्पुण्ड्रललल्ललाटफलकं श्रीवेङ्कटेशं भजे ॥ १६ ॥
</verse>
<verse>लक्ष्मीनिवास निखिलाश्रित लोकबन्धो

वैकुण्ठनाथ निरवद्यगुणैकसिन्धो ।

श्रीवेङ्कटेश भुवि विश्रुतदिव्यकीर्ते
 

पाहि प्रपन्नमगतिं शरणागतं माम् ॥ १७ ॥
 
</verse>
<verse>वरगुणमणिसिन्धुर्वत्सलः श्रीनिवासः

कलशजलधिकन्याप्राणनाथो दयालुः ।

मणिवरमणिभूषा '<ref>2</ref>वत्सजाज्वल्यमानो
 

वितरतु मम सौख्यं वेङ्कटेशो मुकुन्दः ॥ १८ ॥
</verse>
<verse>कनकमयकिरीटो दिव्यलावण्यसिन्धुः
 

प्रणतवरदबन्धुः पद्मपत्रायताक्षः ।

सुलभचरणयुग्मः स्वाश्रितानां कृपालुः
 

वितरतु मम सौख्यं वेङ्कटेशो मुकुन्दः ॥ १९ ॥
 
</verse>
<verse>मरतकगिरिमूर्तिर्मङ्गलानां निवासः
 

स्फटिकम कुटमूर्धा पीतकौशेयवासः ।

कनकवलयभूषा प्रोज्ज्वलद्दिव्यबाहुः
 

वितरतु मम सौख्यं वेङ्कटेशो मुकुन्दः ॥ २० ॥
 
</verse>
<verse>सरसिजमुखपाणिः सर्वलोकैकनाथः
 

विकचकमलनेत्रः श्यामलः कोमलाङ्गः ।
 

जलजचरणयुग्मः श्रीनिवासो दयालुः
 

वितरतु मम सौख्यं वेङ्कटेशो मुकुन्दः ॥ २१ ॥
</verse>
<verse>विधिविबुधनियन्ता विश्वभक्तार्तिहन्ता
 

विनतविविधजातिक्षेमकल्यणमन्ता ।

विमलमधुरमन्दस्मेरदिव्याननाब्जो
 

वितरतु मम सौख्यं वेङ्कटेशो मुकुन्दः ॥ २२ ॥
 
</verse>
<verse merge-next="true">अत्यर्कानलदीप्तमुत्तमपदं वैकुण्ठमत्यद्भुतं
 

त्यक्त्वानुग्रहकाम्यया प्रणमतां लक्ष्म्या सह क्रीडितः ।
 
</verse>
<footnote>1.
 
मणिवरमणिः = कौस्तुभमणि
 
</footnote>
<footnote>2. वत्सः = श्रीवत्सः
 
</footnote>
</page>