Stotrarnava /540

2026-04-03 16:53:29 by ambuda-bot

This page has not been fully proofread.

४९४

प्रकीर्णस्तोत्रेषु

दातारं किल सम्पदां स्वचरणद्वन्द्वाश्रितानां सतां
दैत्यानां तु निघातिनं त्रिजगतां नाथं महावत्सलम् ।
सिंहस्कन्धमनेकरत्नरचित श्रीहारवक्षःस्थलं
श्रीमत्पुण्ड्रललल्ललाटफलकं श्रीवेङ्कटेशं भजे ॥ १६ ॥
लक्ष्मीनिवास निखिलाश्रित लोकबन्धो
वैकुण्ठनाथ निरवद्यगुणैकसिन्धो ।
श्रीवेङ्कटेश भुवि विश्रुतदिव्यकीर्ते

पाहि प्रपन्नमगतिं शरणागतं माम् ॥ १७ ॥

वरगुणमणिसिन्धुर्वत्सलः श्रीनिवासः
कलशजलधिकन्याप्राणनाथो दयालुः ।
मणिवरमणिभूषा 'वत्सजाज्वल्यमानो

वितरतु मम सौख्यं वेङ्कटेशो मुकुन्दः ॥ १८ ॥
कनकमयकिरीटो दिव्यलावण्यसिन्धुः

प्रणतवरदबन्धुः पद्मपत्रायताक्षः ।
सुलभचरणयुग्मः स्वाश्रितानां कृपालुः

वितरतु मम सौख्यं वेङ्कटेशो मुकुन्दः ॥ १९ ॥

मरतकगिरिमूर्तिर्मङ्गलानां निवासः

स्फटिकम कुटमूर्धा पीतकौशेयवासः ।
कनकवलयभूषा प्रोज्ज्वलद्दिव्यबाहुः

वितरतु मम सौख्यं वेङ्कटेशो मुकुन्दः ॥ २० ॥

सरसिजमुखपाणिः सर्वलोकैकनाथः

विकचकमलनेत्रः श्यामलः कोमलाङ्गः ।

जलजचरणयुग्मः श्रीनिवासो दयालुः

वितरतु मम सौख्यं वेङ्कटेशो मुकुन्दः ॥ २१ ॥
विधिविबुधनियन्ता विश्वभक्तार्तिहन्ता

विनतविविधजातिक्षेमकल्यणमन्ता ।
विमलमधुरमन्दस्मेरदिव्याननाब्जो

वितरतु मम सौख्यं वेङ्कटेशो मुकुन्दः ॥ २२ ॥

अत्यर्कानलदीप्तमुत्तमपदं वैकुण्ठमत्यद्भुतं

त्यक्त्वानुग्रहकाम्यया प्रणमतां लक्ष्म्या सह क्रीडितः ।

1.

मणिवरमणिः = कौस्तुभमणि

2. वत्सः = श्रीवत्सः