<page>
<ignore>श्रीविनायकस्तोत्रम्</ignore>
<verse>गणाष्टकमिदं पुण्यं यः पठेत् सततं नरः ।
सिध्यन्ति सर्वकार्याणि विद्यावान् धनवान् भवेत् ॥ ९ ॥</verse>
<trailer text="4_END">॥ इति श्रीगणेशाष्टकं सम्पूर्णम् ॥</trailer>
<title text="5_START">५. ॥ श्रीविनायकस्तोत्रम् ॥</title>
<verse>गण्डस्थलद्वयगलन्मदवारिधारा-
सौरभ्यलुभ्यदलिडिम्भकगुम्भनादैः ।
वाचालिताखिलदिशं वरदं नतानां
वन्दामहे गजमुखं वयमादिदेवम् ॥ १ ॥</verse>
<verse>गर्विष्ठखेचरपुरत्रयनाथदैत्य-
भङ्गोद्यतः स्वयमयं परमेश्वरोऽपि ।
आदौ यमेव परिपूज्य विधूतसर्व-
विघ्नो जिगाय तमिमं वयमाश्रयामः ॥ २ ॥</verse>
<verse>णप्रष्ठवर्णततिपञ्चमषष्ठवर्ण-
युग्माविधेयविरहादतिमात्रदीनम् ।
त्रायेत मामनुदिनं निजपुष्करात्त-
कुम्भस्थरत्ननिकरानभिवृष्य देवः ॥ ३ ॥</verse>
<verse>पद्मासहायगिरिजापति<delete>रत्य</delete><add>[वाग]</add>धीश-
<ref>1</ref>देवादिनाकनिलयैर्वनितासहायैः ।
अन्वास्यमानमखिलास्वपि दिक्षु सिद्ध-
लक्ष्मीसहायमनिशं शरणं भजामः ॥ ४॥</verse>
<verse>तन्वीत नः शुभमतिं तरुणारुणश्री-
दायादकायरुचिरिन्दुवतंससूनुः ।
प्रत्यूहभङ्गपटुभिः सहितो वधूभि-
रामोदमुख्यनिजपारिषदैः समेतः ॥ ५ ॥</verse>
<verse>ये चिन्तयन्ति निमिषार्धमपि प्रभो त्वां
श्रीमन्निभानन विधूतभिदान्धकाराः ।
बाभासमानमनिशं हृदये समुद्य-
दानन्दबोधघनमेकममी नमस्याः ॥ ६ ॥</verse>
<verse merge-next="true">न श्रौतकर्मसु रतिर्न च बोधनिष्ठा
स्वामिन्नुमासुत न जातु कृतापि पूजा ।</verse>
<footnote>1. भूरादिपूर्व किभि-</footnote>
</page>