<page>
<title text="15_START">१५. ॥ अथ श्रीविंशत्यक्षरीध्यानम् ॥
</title>
<verse>श्रीमत्यां द्वारवत्यां नवकनकमये भूतले रत्ननद्योः

मध्ये कल्पद्रुमाधो विविधमणिलसन्मण्डपे सन्निविष्टम् ।

चक्रं शङ्खं च वेणुं नलिनमथ गदां योगमुद्रां दधानं

वन्दे संसिच्यमानं मणिमयकलशैर्वल्लभाभिर्मुकुन्दम् ॥ १ ॥
</verse>
<trailer text="15_END">॥ इति श्रीविंशत्यक्षरीध्यानं सम्पूर्णम् ॥
 
</trailer>
<title text="16_START">१६. ॥ अथ श्री अष्टाक्षरीध्यानम् ॥
</title>
<verse>वेदान्तस्वद्रुमायस्तलपरिलसिताष्टाक्षराष्ट्रटच्छदान्ब्जे
 

तिष्ठन् वामाङ्घ्रिणासावितरपदतलं वामतोऽग्रे निधाय ।

बिभ्रत् सर्वा विभूतीर्मणिगणविलसद्भूषणश्यामलश्रीः

शब्दब्रह्मात्मवेणुं भुवनधृतिहरं नादयन् माधवोऽव्यात् ॥ १ ॥
</verse>
<trailer text="16_END">॥ इति श्री अष्टाक्षरीध्यानम् ॥
 
</trailer>
<title text="17_START">१७. ॥ अथ श्री पूर्णत्रयीशस्तोत्रम् ॥
</title>
<verse>पूर्णत्रय्याख्यपुर्यां हरिभवननिभे स्वालये सन्निषण्णः

पीठे हैमे स कृष्णः फणिवरलसितो हारकोटीरधारी ।

केयूरैः कुण्डलैस्तैर्मणिवरकटकैर्भूषणैर्भासुराङ्गो
 

माटश्रीरामभूपं कठिनकवचधृक् पातु पूर्णत्रयीशः ॥ १ ॥
</verse>
<verse>पूर्वं यः कंसहेतोर्निजपितृजननीभ्यां स्तुतो बालकृष्णो
1.
जातः पित्रा निशायां व्रजपतिरमणीसूतिकागेहमध्यम् ।

संनीतः स्वीयताते व्रजपतितनयां संप्रयाते गृहीत्वा

माटश्रीरामभूपं मृदुहसनपरः पातु पूर्णत्रयीशः ॥ २॥
</verse>
<verse>बालीघ्नी पूतना सा शिशुहननकृते प्रेषिता नन्दगेहं

कंसेन
 
क्रूरबुद्धध्या यदुपतितनयं शङ्कमानेन कृष्णम् ।

संप्राप्य स्तन्यदुग्धं निजमुखकमले दातुकामां सजीवं

स्तन्यं पीत्वाहनत्तां नृपकुलतिलकं पातु पूर्णत्रयीशः ॥ ३ ॥
</verse>
<verse>हेमाढ्ये तल्पवर्ये व्रजपति सुदृशा शायितो जातनिद्रः
 

तत्काले चागतं तं शकटदितिसुतं योगदृष्टट्या निशाम्य ।

स्तन्यार्थी रुद्यमानो निजचरणयुगेनोत्क्षिपन् दैत्य<delete>हेयं </delete><add>[ देहं ]
</add>
च्छिन्नाभिन्नाङ्गसन्धिं त्वतनुत स नृपं पातु पूर्णत्रयीशः ॥ ४ ॥
</verse>
<verse>कंसेन प्रेषितं तं निजहननविधौ चक्रवातस्वरूपा -
 

दात्मानं संगृहीत्वा गतमपि च तृणावर्त <add>[ नामानमा ] </add>शु ।

कण्ठे निष्पीड्य कोपाद्विगलितरसनं शीर्णनेत्रं व्यधाद्यः

सोऽयं तं रामभूपं गुणनिधिमनिशं पातु पूर्णत्रयीशः ॥ ५ ॥
 
</verse>
</page>