<page>
<title>१३. ॥ अथ श्रीकृष्णमङ्गलम् ॥
 
</title>
<verse>मङ्गलं बालकृष्णाय दिव्यलीलाय मङ्गलम् ।

मङ्गलं नीलवर्णाय मातृमान्याय मङ्गलम् ॥ १ ॥
</verse>
<verse>मङ्गलं रुक्मिणीशाय जगदीशाय मङ्गलम् ।

मङ्गलं यदुनाथाय दीननाथाय मङ्गलम् ॥ २ ॥
</verse>
<verse>मङ्गलं देवदेवाय वासुदेवाय मङ्गलम् ।

मङ्गलं नन्दपुत्राय सदानन्दाय मङ्गलम् ॥ ३॥
</verse>
<verse>मङ्गलं पूतनाहन्त्रे लीलामर्त्याय मङ्गलम् ।

मङ्गलं शकटच्छेत्रे पद्मपादाय मङ्गलम् ॥ ४ ॥
 
</verse>
<verse>मङ्गलं वत्सपालाय विश्वपालाय मङ्गलम् ।

मङ्गलं योगिमृग्याय गोपमित्राय मङ्गलम् ॥ ५॥
 
</verse>
<verse>मङ्गलं बालगोपाय ब्रह्मविद्याय मङ्गलम् ।

मङ्गलं कमलाभर्त्रे गोपीकान्ताय मङ्गलम् ॥ ६॥
 
</verse>
<verse>मङ्गलं मातृबद्धाय जडघ्नायास्तु मङ्गलम् ।

मङ्गलं क्रीडते स्त्रीभिः कुन्दारूढाय मङ्गलम् ॥ ७ ॥
 
</verse>
<verse>मङ्गलं द्विषते क्रूरान् प्रियाकराय मङ्गलम् ।

मङ्गलं वल्लवीभर्त्रे कंसन्घ्नायास्तु मङ्गलम् ॥ ८॥
 
</verse>
<verse>मङ्गलं प्रीतभक्ताय विद्यावासाय मङ्गलम् ।

मङ्गलं मागधजिते द्वारकेशाय मङ्गलम् ॥ ९॥
 
</verse>
<verse>मङ्गलं पार्थसुहृदे जित दैत्याय मङ्गलम् ।

मङ्गलं रुक्मिणीजाने रुक्मिणीशाय मङ्गलम् ॥ १० ॥
 
</verse>
<verse>मङ्गलं नैकरूपाय नरदैत्याय मङ्गलम् ।

पुत्रिणे नित्यरूपाय ब्रह्माचार्याय मङ्गलम् ॥ ११ ॥
 
</verse>
<verse>मङ्गलं द्रौपदीड्याय मानदायास्तु मङ्गलम् ।

मङ्गलं प्रियभक्ताय भक्तपालाय मङ्गलम् ॥ १२ ॥
 
</verse>
<verse>मङ्गलं दिशते कामान् विप्रप्रार्थ्याय मङ्गलम् ।
मङ्गलं
मङ्गलं <add>[शिष्टपालाय ]</add> भारघ्नायास्तु मङ्गलम् ॥ १३ ॥
 
</verse>
<verse>मङ्गलं मायिनेऽमायसारथ्यायास्तु मङ्गलम् ।

मङ्गलं पूर्णरूपाय गीताचार्याय मङ्गलम् ॥ १४ ॥
</verse>
<verse>मङ्गलं विश्वरूपाय योगिध्येयाय मङ्गलम् ।

मङ्गलं विश्वगुरवे कृपावासाय मङ्गलम् ॥ १५ ॥
 
</verse>
</page>