<page>
<ignore>३२६
 
श्रीरामस्तोत्रेषु
 
</ignore>
<verse>सुरानीकदुःखौघना शैकहेतुं
 

नराकारदेहं निराकारमीड्यम् ।

परेशं परानन्दरूपं वरेण्यं
 

हरिरिं राममीशं भजे भारनाशम् ॥ २ ॥
 
</verse>
<verse>प्रपन्नाखिलानन्ददोहं प्रसन्नं

प्रपन्नार्तिनिश्शेषनाशाभिधानम् ।

तपोयोगयोगीशभावादिभव्यं
 

कपीशादिमित्रं भजे राममित्रम् ॥ ३ ॥
 
</verse>
<verse>सदा भोगभाजां सुदूरे विभान्तं

चिदानन्दकन्दं सदारामवेशम् ।

विदेहात्मजानन्दरूपं सुरेशं
 

महेशं नरेशानरामं प्रपद्ये ॥ ४ ॥
 
</verse>
<verse>महायोगमायाविशेषानुयुक्त्या
 

सुराधीश लीलानराकारमूर्तेः ।

सदानन्द लीलाकथापूर्णकर्णाः
 

सदानन्दरूपा भवन्तीह लोके ॥ ५ ॥
</verse>
<verse>अहंमानपानाभिमत्तः प्रमत्तो

न वेदाखिलेशाभिमानाभिमानः ।

इदानीं भवत्पादपद्मप्रसादात्
 

त्रिलोकाधिपत्याभिमानो विनष्टः ॥ ६ ॥
 
</verse>
<verse>स्फुरद्रत्नकेयूरहाराभिरामं
 

धराभारभूतासुरानीकदावम् ।
 

शरच्चन्द्रवक्त्रं लसत्पद्मनेत्रं
 

दुरावारपारं भजे राघवेशम् ॥ ७ ॥
 
</verse>
<verse>सुराधीश नीला भ्रनीलाङ्गकान्ति
 
तिं
विराधादिरक्षोवधाल्लोकशान्तिम् ।

किरीटादिशोभं पुरारातिलाभं
 

भजे रामचन्द्रं रघूणामधीशम् ॥ ८ ॥
 
</verse>
<verse>लसच्चन्द्रकोटिप्रकाशाधिपीठे
 

समासीनमेकं समाधाय सीताम् ।

स्फुरद्धेमवर्णां तटित्पुञ्जभासां
 

भजे रामचन्द्रं निवृत्तार्तितन्त्रम् ॥ ९ ॥
</verse>
<trailer>॥ इति श्रीरामस्तवः सम्पूर्णः ॥
 
</trailer>
</page>