<page>
<ignore>१२४
 
श्रीरामस्तोत्रेषु
 
</ignore>
<verse>यस्य प्रभुत्वपदमावहतो धरण्यां

सामन्त भूमिपतयः स्वयमङ्घ्रिपद्मे ।

निक्षिप्तमौलिमकुटाः करदा बभूवु-
 

स्तं राममार्तिहरणं शरणं भजामि ॥ १०६ ॥
 
</verse>
<verse>यस्मिन् क्षितीशपदभाजि भुवि प्रभीता

रक्षः पिशाचकुलदुर्ग्रहभूतवर्गाः ।

क्षुद्रान् जनानपि कदापि न पीडयन्ति
 

तं राममार्तिहरणं शरणं भजामि ॥ १०७ ॥
</verse>
<verse>जातु स्मृते दुरितहारिणि यस्य नाम्नि

नश्यन्त्यघानि सकलानि पुराकृतानि ।

वाञ्छाधिकानि कुशलानि भवन्ति सद्य-
 

स्तं राममार्तिहरणं शरणं भजामि ॥ १०८ ॥
</verse>
<verse>अष्टोत्तरैकशतपद्यसुपूरितेन
 

भक्त्या <add>[मुहुः स्तुतिव] </add>रेण मयेड्यमानः ।

रामः स एष जनकात्मजया समेतः
 

प्रीतः सदापि हृदये मम सन्निधत्ताम् ॥ १०९ ॥
</verse>
<trailer text="20_END">॥ इति श्रीरामप्रपत्तिशकं सम्पूर्णम् ॥
 
</trailer>
<footnote text="21_START">२१. ॥ अथ श्रीराघवस्तोत्रम् ॥
 
</footnote>
<verse>इन्द्रनीलाचलश्याममिन्दीवरदृगुज्ज्वलम् ।

इन्द्रादिदैवतैः सेव्यमीडे राघवनन्दनम् ॥ १ ॥
 
</verse>
<verse>पालिताखिलदेवौघं पद्मगर्भभं सनातनम् ।
 

पीनवक्षःस्थलं वन्दे पूर्णणं राघवनन्दनम् ॥ २ ॥
 
</verse>
<verse>दशग्रीवरिपुं भद्रं दावतुल्यं सुरद्विषाम् ।
 

दण्डकामुनिमुख्यानां दत्ताभयमुपास्महे ॥ ३ ॥
 
</verse>
<verse>कस्तूरीतिलकाभासं कर्पूरनिकराकृतिम् ।
 

कातरीकृतदैत्यौघं कलये रघुनन्दनम् ॥ ४ ॥
 
</verse>
<verse>खरदूषणहन्तारं खरवीर्यभुजोज्ज्वलम् ।
 

खरकोदण्डहस्तं च खस्वरूपमुपास्महे ॥ ५ ॥
 
</verse>
<verse>गजविक्रान्तगमनं गजार्तिहर तेजसम् ।
 

गम्भीरसत्वमैक्ष्वाकं गच्छामि शरणं सदा ॥ ६ ॥
 
</verse>
</page>