Stotrarnava /370
This page has not been fully proofread.
१२४
श्रीरामस्तोत्रेषु
यस्य प्रभुत्वपदमावहतो धरण्यां
सामन्त भूमिपतयः स्वयमङ्घ्रिपद्मे ।
निक्षिप्तमौलिमकुटाः करदा बभूवु-
स्तं राममार्तिहरणं शरणं भजामि ॥ १०६ ॥
यस्मिन् क्षितीशपदभाजि भुवि प्रभीता
रक्षः पिशाचकुलदुर्ग्रहभूतवर्गाः ।
क्षुद्रान् जनानपि कदापि न पीडयन्ति
तं राममार्तिहरणं शरणं भजामि ॥ १०७ ॥
जातु स्मृते दुरितहारिणि यस्य नाम्नि
नश्यन्त्यघानि सकलानि पुराकृतानि ।
वाञ्छाधिकानि कुशलानि भवन्ति सद्य-
स्तं राममार्तिहरणं शरणं भजामि ॥ १०८ ॥
अष्टोत्तरैकशतपद्यसुपूरितेन
भक्त्या [मुहुः स्तुतिव] रेण मयेड्यमानः ।
रामः स एष जनकात्मजया समेतः
प्रीतः सदापि हृदये मम सन्निधत्ताम् ॥ १०९ ॥
॥ इति श्रीरामप्रपत्तिशकं सम्पूर्णम् ॥
२१. ॥ अथ श्रीराघवस्तोत्रम् ॥
इन्द्रनीलाचलश्याममिन्दीवरदृगुज्ज्वलम् ।
इन्द्रादिदैवतैः सेव्यमीडे राघवनन्दनम् ॥ १ ॥
पालिताखिलदेवौघं पद्मगर्भ सनातनम् ।
पीनवक्षःस्थलं वन्दे पूर्ण राघवनन्दनम् ॥ २ ॥
दशग्रीवरिपुं भद्रं दावतुल्यं सुरद्विषाम् ।
दण्डकामुनिमुख्यानां दत्ताभयमुपास्महे ॥ ३ ॥
कस्तूरीतिलकाभासं कर्पूरनिकराकृतिम् ।
कातरीकृतदैत्यौघं कलये रघुनन्दनम् ॥ ४ ॥
खरदूषणहन्तारं खरवीर्यभुजोज्ज्वलम् ।
खरकोदण्डहस्तं च खस्वरूपमुपास्महे ॥ ५ ॥
गजविक्रान्तगमनं गजार्तिहर तेजसम् ।
गम्भीरसत्वमैक्ष्वाकं गच्छामि शरणं सदा ॥ ६ ॥
श्रीरामस्तोत्रेषु
यस्य प्रभुत्वपदमावहतो धरण्यां
सामन्त भूमिपतयः स्वयमङ्घ्रिपद्मे ।
निक्षिप्तमौलिमकुटाः करदा बभूवु-
स्तं राममार्तिहरणं शरणं भजामि ॥ १०६ ॥
यस्मिन् क्षितीशपदभाजि भुवि प्रभीता
रक्षः पिशाचकुलदुर्ग्रहभूतवर्गाः ।
क्षुद्रान् जनानपि कदापि न पीडयन्ति
तं राममार्तिहरणं शरणं भजामि ॥ १०७ ॥
जातु स्मृते दुरितहारिणि यस्य नाम्नि
नश्यन्त्यघानि सकलानि पुराकृतानि ।
वाञ्छाधिकानि कुशलानि भवन्ति सद्य-
स्तं राममार्तिहरणं शरणं भजामि ॥ १०८ ॥
अष्टोत्तरैकशतपद्यसुपूरितेन
भक्त्या [मुहुः स्तुतिव] रेण मयेड्यमानः ।
रामः स एष जनकात्मजया समेतः
प्रीतः सदापि हृदये मम सन्निधत्ताम् ॥ १०९ ॥
॥ इति श्रीरामप्रपत्तिशकं सम्पूर्णम् ॥
२१. ॥ अथ श्रीराघवस्तोत्रम् ॥
इन्द्रनीलाचलश्याममिन्दीवरदृगुज्ज्वलम् ।
इन्द्रादिदैवतैः सेव्यमीडे राघवनन्दनम् ॥ १ ॥
पालिताखिलदेवौघं पद्मगर्भ सनातनम् ।
पीनवक्षःस्थलं वन्दे पूर्ण राघवनन्दनम् ॥ २ ॥
दशग्रीवरिपुं भद्रं दावतुल्यं सुरद्विषाम् ।
दण्डकामुनिमुख्यानां दत्ताभयमुपास्महे ॥ ३ ॥
कस्तूरीतिलकाभासं कर्पूरनिकराकृतिम् ।
कातरीकृतदैत्यौघं कलये रघुनन्दनम् ॥ ४ ॥
खरदूषणहन्तारं खरवीर्यभुजोज्ज्वलम् ।
खरकोदण्डहस्तं च खस्वरूपमुपास्महे ॥ ५ ॥
गजविक्रान्तगमनं गजार्तिहर तेजसम् ।
गम्भीरसत्वमैक्ष्वाकं गच्छामि शरणं सदा ॥ ६ ॥