<page>
<ignore>श्रीरामप्रपत्तिशतकम्
 
३२१</ignore>
<verse>यः संस्तुतोऽखिलसुरैर्विरराज वीरः
 

तं राममार्तिहरणं शरणं भजामि ॥ ८३ ॥
 
</verse>
<verse>यस्त्र्यम्बकेण धधुरि दर्शितमात्मतातं
 

दृष्टा समुज्ज्वलविमानगतं प्रणम्य ।

अङ्के धृतः सपदि तेन ननन्द कामं
 

तं राममार्तिहरणं शरणं भजामि ॥ ८४ ॥
 
</verse>
<verse>यः पूर्वमात्मगुरुणा भरते वितीर्णं

शापं तमेनमभिवाद्य च तत्प्रसादात् ।

संमोचयन् तमतनोत्तदनुगृहीतं
 

तं राममार्तिहरणं शरणं भजामि ॥ ८५ ॥
 
</verse>
<verse>उज्जीवयन् पुनरपि प्रहतान् समीके

कीशान् सुरोत्तमवरच्छलतः सुरेषु ।

यो वैभव प्रकटनाय मुदान्वितोऽभूत्
 

तं राममार्तिहरणं शरणं भजामि ॥ ८६ ॥
 
</verse>
<verse>यः पुष्पकं समधिरुह्य वधूसहायः

साकं निजानुजविभीषणभानुसूभिः ।

अन्यैर्हरीन्द्रनिकरैः स्वपुरीं प्रतस्थे
 

तं राममार्तिहरणं शरणं भजामि ॥ ८७ ॥
 
</verse>
<verse>गच्छन् पुरीं दिवि विमानग एव वध्वै

युद्धे दशाननमुखा रिवधस्थलानि ।

सन्दर्शयन् सह तया मुमुदे भृशं य-
 

स्तं राममार्तिहरणं शरणं भजामि ॥ ८८ ॥
 
</verse>
<verse>यो वायुजागममहस्करपुत्र मैत्रीं
 

भिल्लप्रियार्चनविधिं च महीसुतायै ।

जल्पन्निमां व्यधित विस्मितचित्तवृत्तिं
 

तं राममार्तिहरणं शरणं भजामि ॥ ८९ ॥
 
</verse>
<verse>यश्चोदितो वनितया कपिवर्य पुर्यां

तारामुखाः कपिवधूः परिभूषिताङ्गीः ।

आनाय्य यानमधिरोप्य बभार हर्ष
 
21
 
षं
तं राममार्तिहरणं शरणं भजामि ॥ ९० ॥
 
१ ३</verse>
<ignore>२१
 
</ignore>
</page>