Stotrarnava /367

2026-04-03 16:52:50 by ambuda-bot

This page has not been fully proofread.

श्रीरामप्रपत्तिशतकम्

यः संस्तुतोऽखिलसुरैर्विरराज वीरः

तं राममार्तिहरणं शरणं भजामि ॥ ८३ ॥

त्र्यम्बकेण धरि दर्शितमात्मतातं

दृष्टा समुज्ज्वलविमानगतं प्रणम्य ।
अङ्के धृतः सपदि तेन ननन्द कामं

तं राममार्तिहरणं शरणं भजामि ॥ ८४ ॥

यः पूर्वमात्मगुरुणा भरते वितीर्णं
शापं तमेनमभिवाद्य च तत्प्रसादात् ।
संमोचयन् तमतनोत्तदनुगृहीतं

तं राममार्तिहरणं शरणं भजामि ॥ ८५ ॥

उज्जीवयन् पुनरपि प्रहतान् समीके
कीशान् सुरोत्तमवरच्छलतः सुरेषु ।
यो वैभव प्रकटनाय मुदान्वितोऽभूत्

तं राममार्तिहरणं शरणं भजामि ॥ ८६ ॥

यः पुष्पकं समधिरुह्य वधूसहायः
साकं निजानुजविभीषणभानुसूभिः ।
अन्यैर्हरीन्द्रनिकरैः स्वपुरीं प्रतस्थे

तं राममार्तिहरणं शरणं भजामि ॥ ८७ ॥

गच्छन् पुरीं दिवि विमानग एव वध्वै
युद्धे दशाननमुखा रिवधस्थलानि ।
सन्दर्शयन् सह तया मुमुदे भृशं य-

स्तं राममार्तिहरणं शरणं भजामि ॥ ८८ ॥

यो वायुजागममहस्करपुत्र मैत्रीं

भिल्लप्रियार्चनविधिं च महीसुतायै ।
जल्पन्निमां व्यधित विस्मितचित्तवृत्तिं

तं राममार्तिहरणं शरणं भजामि ॥ ८९ ॥

चोदितो वनितया कपिवर्य पुर्यां
तारामुखाः कपिवधूः परिभूषिताङ्गीः ।
आनाय्य यानमधिरोप्य बभार हर्ष

21

तं राममार्तिहरणं शरणं भजामि ॥ ९० ॥

१ ३२१