<page>
<ignore>३१८
 
श्रीरामस्तोत्रेषु
 
</ignore>
<verse>अब्धिधिं नलेन हरिभिर्लघु बन्धयित्वा

तीर्त्वा तमाशु निखिलैः सह वानरैर्यः ।

लङ्कां निरुच्छछ्वसनमारुरुधे समन्तात्
 

तं राममार्तिहरणं शरणं भजामि ॥ ६१ ॥
 
</verse>
<verse>यो वज्रदंष्ट्रमतिदुष्टमकम्पनं च

धूम्राक्षमक्षयमुखानपि राक्षसेन्द्रान् ।

रक्षोबलाधिपतिमप्यहनत् प्रहस्तं
 

तं राममार्तिहरणं शरणं भजामि ॥ ६२ ॥
 
</verse>
<verse>यो लीलया युधि निकृत्तरथध्वजाक्ष-

सेना किरीटशरचापमतिक्षताङ्गम् ।

रक्षोऽधिराजमकरोदपि कान्दिशीकं
 

तं राममार्तिहरणं शरणं भजामि ॥ ६३ ॥
 
</verse>
<verse>यः कुम्भकर्णमचलं मघवानिव।वाशु
 

बाणैश्च मूर्ध्नि पदयोरपि चूर्णयित्वा ।

शोकाम्बुधावल ममज्जयदाशरेन्द्र
 
रं
तं राममार्तिहरणं शरणं भजामि ॥ ६४ ॥
 
</verse>
<verse>यो देवतान्तकनरान्तकरातिकाय-
 

कुम्भत्रिशीर्षकनिकुम्भमहोदरादीन् ।
 

संहार्य वानरगणैर्मुमुदे जयेन
 

तं राममार्तिहरणं शरणं भजामि ॥ ६५ ॥
 
</verse>
<verse>यः शोणिताक्षम करेक्षणमत्तयुद्धो-

न्मत्तान् विरूपनयनादिनिशाचरेन्द्रान् ।

संहारयन् कपिवरैर्मुदमाप गाढं
 

तं राममार्तिहरणं शरणं भजामि ॥ ६६ ॥
 
</verse>
<verse>नाम स्मरन् मनसि यस्य समीरपुत्रो

गत्वान्तरं जलधिमेकमुहूर्त मात्रात् ।

दिव्यौषधाद्रिमुपगृह्य पुनः समागात्
 

तं राममार्तिहरणं शरणं भजामि ॥ ६७ ॥
 
</verse>
<verse merge-next="true">यः पाकशासनजितं समुपात्तमायं

यज्ञक्रियार्थमुपविष्टनि कुम्भिलान्तम् ।
 
</verse>
</page>