Stotrarnava /363

2026-04-03 16:52:50 by ambuda-bot

This page has not been fully proofread.

श्रीरामप्रपत्तिशतकम्

भूत्वा विभोर्मधुवनं च पपौ मधूनि

तं राममार्तिहरणं शरणं भजामि ॥ ५३ ॥

यत्सन्निधिं समुपगम्य मरुत्तनूजः

पादाम्बुजं सविनयं सहसा प्रणम्य ।
दृष्टा मया जनकजेति जगाद मोदा-

तं राममार्तिहरणं शरणं भजामि ॥ ५४ ॥

यो मारुतेर्निजवधूकुशलप्रवृत्तिं

चूडामणिं च समवाप्य परं प्रहृष्टः ।
सर्वस्वदानसदृशं परिषस्वजे तं

तं राममार्तिहरणं शरणं भजामि ॥ ५५ ॥

यः स्वानुजार्कजसमीरजशक्रभूज -

नीलादिभिः कपिवरैः सह मन्त्र्यमाणः ।
लङ्कां शुभंयुदिवसे चकमेऽभिगन्तुं

तं राममार्तिहरणं शरणं भजामि ॥ ५६ ॥

यः पावमानिमधिरुह्य मुदा स्वयं तं
तारासुतं समधिरूढवतानुजेन ।
सम्भाषमाण इनजेन ययाववाचीं

तं राममार्तिहरणं शरणं भजामि ॥ ५७ ॥

यः सर्वराक्षसविभेदनबद्धदीक्षै-
वृक्षायुधैर्हरिबलप्रवरैः परीतः ।

तीरं ययौ सपदि दक्षिणवारिराशे-

स्तं राममार्तिहरणं शरणं भजामि ॥ ५८ ॥

पङ्क्त्याननानुजजुषेऽपि विभिषणाय
स्वा‌ङ्घ्रिद्वयीसरसिजं शरणं गताय ।
योऽदाच्चिरायुरपि राक्षसराजलक्ष्मी

तं राममार्तिहरणं शरणं भजामि ॥ ५९ ।

गम्भीरमात्मनि पराङ्मुखमम्बुधिं यः
क्रुद्धो विशोष्य विशिखेन शिखिप्रभेण
तत्प्रार्थितः पुनरमुं स्ववशं निनाय

तं राममार्तिहरणं शरणं भजामि ॥ ६० ॥

३१७