Stotrarnava /361

2026-04-03 16:52:49 by ambuda-bot

This page has not been fully proofread.

श्रीरामप्रपत्तिशतकम्

तत्राञ्जनेयमभिगृह्य ननन्द गाढं

तं राममार्तिहरणं शरणं भजामि ॥ ३८ ॥

यो वायुसूनुघटिता तुलमैत्रहृष्ट-
सुग्रीवदत्तनिजदारविभूषणानि ।

दृष्ट्वा तुतोष रमणीमिव वीक्ष्य साक्षा-
तं राममार्तिहरणं शरणं भजामि ॥ ३९ ॥

यो मित्रपुत्रकथिताग्रजवैरदुःख-
निर्मोचनोदितमनाः करुणारसाब्धिः ।
हन्यां तमाश्विति ददावभयं च तस्मै

तं राममार्तिहरणं शरणं भजामि ॥ ४० ॥

यो मित्रमोदविधये सहसैककेन

बाणोत्तमेन विनिहत्य महेन्द्रपुत्रम् ।
सुग्रीवमेव कपिराज्यपदेऽभ्यषिञ्च-

तं राममार्तिहरणं शरणं भजामि ॥ ४१ ॥

यो भूमिशैलनिलयान् जनकेन्द्रपुत्र्याः
संमार्गणाय सहसा कपिनायकेन ।
आनाथितान् कपिवरान् मुमुदे समीक्ष्य
तं राममार्तिहरणं शरणं भजामि ॥ ४२ ॥

यः सौरिणा कपिवरेषु दिशश्चतस्रः
प्रस्तावितेषु कृतिनं हनुमन्तमेव ।
ज्ञात्वा करेऽस्य विततार निजाङ्गुलीयं
तं राममार्तिहरणं शरणं भजामि ॥ ४३ ॥

यत्प्राभवादितरकीशवरैरलङ्घय-

वारांनिधिं पथि विधूनितमार्गविन्नम् ।
वेशन्तवल्लघु ततार समीरसूनु-

स्तं राममार्तिहरणं शरणं भजामि ॥ ४४ ॥

लङ्कामुपेत्य निशि राक्षसकोटिगुप्तां
केनाप्यदृश्यगतिरेव यदीयभूम्ना ।
रक्षोऽवरोधमनिलात्मभवश्चचार

तं राममार्तिहरणं शरणं भजामि ॥ ४५ ॥ :

३१५