Stotrarnava /359

2026-04-03 16:52:49 by ambuda-bot

This page has not been fully proofread.

श्रीरामप्रपत्तिशतकम्

वध्वा ययौ वनमशेषजगद्धिताय

तं राममार्तिहरणं शरणं भजामि ॥ २३ ॥

यो नव्यशाद्वलतले मृदुपाद्गत्या
गङ्गामुपेत्य गुहमानित उत्तरंस्ताम् ।
हित्वा गुहं सरथसूतमभूज्जट (ल-

स्तं राममार्तिहरणं शरणं भजामि ॥ २४ ॥

यस्तज्जनेन सह सोदरजानकीभ्यां

तीर्त्वा लवैः ससलिला: सरितश्च बह्वीः ।
रेमे पुरीव सुदृशा सह चित्रकूटे

तं राममार्तिहरणं शरणं भजामि ॥ २५ ॥

यो मातुलस्य निलयाद्वनमागतेन

पादानतेन भरतेन पुरागमाय ।
संप्रार्थितोऽपि गमनं मनसापि नैच्छत्

तं राममार्तिहरणं शरणं भजामि ॥ २६ ।

यो राज्यपालनकृते मणिपादुके स्वे

दत्त्वा नताय भरताय च सान्त्वपूर्वम् ।
निवर्त्य तमभूत् परमप्रहृष्ट-

स्तं राममार्तिहरणं शरणं भजामि ॥ २७ ॥

यः सानुजो वनितया सह चित्रकूटं

त्यक्त्वात्रिमस्य च वधूं प्रणिपत्य ताभ्याम् ।

दत्तं विभूषणकुलं मुमुदे प्रगृह्य

तं राममार्तिहरणं शरणं भजामि ॥ २८ ॥

यो दण्डकावनमुपेत्य खलं विराधं
हत्वा विदेहतनयाममितप्रमोदाम् ।
कृत्वा तुतोष शरभङ्गकृता मिताशीः

तं राममार्तिहरणं शरणं भजामि ॥ २९ ॥

यो वै सुतीक्ष्णमुनिना समनुगृहीतः

कुम्भोद्भवं समभिवाद्य मुदा च तस्मात् ।
तूणीं शरासनमसि प्रतिलभ्य रेजे

तं राममार्तिहरणं शरणं भजामि ॥ ३० ॥

३१३