<page>
<ignore>श्रीरामप्रपत्तिशतकम्
 
३११</ignore>
<p>धन्या बभूवुरवलोक्य दृशैव पौरा-
 

स्तं राममार्तिहरणं शरणं भजामि ॥ ८ ॥
 
</p>
<verse>यं शैशवे नयनसौख्यदचारुलीला-
 

कन्दर्पकोटिकमनीयनरावतारम् ।

धन्या व<error>व</error><fix>ब</fix>भूवुरवलोक्य दृशैव पौरा-
 

स्तं राममार्तिहरणं शरणं भजामि ॥ ९॥
 
</verse>
<verse>यं मौक्तिकाभरणसुन्दरमन्दहासं

नव्यप्रवालरूचिराधर शोभमानम् ।

धन्या बभूवुरवलोक्य दृशैव पौरा
 

स्तं राममार्तिहरणं शरणं भजामि ॥ १० ॥
 
</verse>
<verse>यः शैशवे कुशिकजेन मखावनाय

नीतोऽनुजेन सह संप्रतिपन्नमन्त्रः ।

मध्याह्नभास्कर इवातितरां रराज
 

तं राममार्तिहरणं शरणं भजामि ॥। ११ ॥
 
</verse>
<verse>बाल्ये समस्त जनतावधकारिवृत्तिं

यस्ताटकां स्त्रियमपीभसहस्रवीर्याम् ।
 

हत्वा सलीलमकरोद्भुवनं प्रहृष्टुं
 

तं राममार्तिहरणं शरणं भजामि ॥ १२ ॥
 
</verse>
<verse>यस्ता टका निधन हृष्टमुनिप्रदिष्टा-
 

न्यस्त्राण्यगण्यमहिमानि चिरन्तनानि ।

साक्षाद्विधाय च मनोवशगानि चक्रे
 

तं राममार्तिहरणं शरणं भजामि ॥ १३ ॥
 
</verse>
<verse>पौगण्ड एव वयसि प्रबलं सुबाहुं
 

यः केसरीव करिणं समितौ निहत्य ।

मारीचमन्धिमनयत् सहसा शरेण
 

तं राममार्तिहरणं शरणं भजामि ॥ १४ ॥
 
</verse>
<verse>यो मैथिलेन्द्रनगरीमभियातुकाम-

स्त्रिस्रोतसं द्युपथिकां कुशिकात्मजोक्ताम् ।

शृण्वन् मुमोद भृशमात्मकुलीनभूपान्
 

तं राममार्तिहरणं शरणं भजामि ॥ १५ ॥३
 
३११
 
</verse>
</page>