<page>
<ignore>श्रीरामकर्णामृतम्
 
३०७</ignore>
<verse>धावते हि कुलदेवतेति मे
 

चित्तमेवमिदमुत्तमे नृणाम् ॥ ७५ ॥
</verse>
<verse>कालिकानिभरुचिः कनीयसा
 

कान्तया च सह कल्पितासिका ।

कार्मुकाशुगलसत्कराम्बुजा
 

काचिदस्ति करुणा गतिर्मम ॥ ७६ ॥
 
</verse>
<verse>मामके मनसि धान्यमालिनी-

भूषणासह भुजोष्मशालिनी ।

सा चकास्ति शरचापधारिणी
 

भालुमालिकुलभाग्यधोरणी ॥ ७७ ॥
 
</verse>
<verse>याति तेजसि मनः सनातने
 

दूतभूषितकिरीटि केतने ।

यामिनीचरचमूभयङ्करे
 

जानकीनयनकेलिकिङ्करे ॥ ७८ ॥
 
</verse>
<verse>चङ्क्रमानुकृतगन्धसिन्धुरा

सिन्धुराजकृत सेतुबन्धना ।
 

वासनाधृतशरासनाशुगा
 

मेचका मनसि मे चकास्ति सा ॥ ७९ ॥
 
</verse>
<verse>बानरक्षपितराक्षसव्रजं
 

दीनरक्षणविचक्षणं प्रभुम् ।
 

श्रीमदम्ग्र्यशरचापमेति मे
 

जामदग्न्यमदनिग्रहं मनः ॥ ८० ॥
 
</verse>
<verse>कण्ठेकालशरासखण्डनचणं कल्याणनानागुणं
 

कारुण्याभरणं खरान्तकरणं कञ्जाभिरामेक्षणम् ।
 

पाणिद्वन्द्वगृहीत बाणधनुषं पाथोदनीलत्विषं
 

पौलस्त्यासुमुषं भजामि पुरुषं पार्श्वे वधूटीजुषम् ॥ ८१ ॥
 
</verse>
<verse>कुवलयदलनीलश्रीभृतां भूकुमारी-
 

कुचकलशविराजत्कुङ्कुमैरङ्कितानाम् ।
 

दशमुखभुज तेजोदर्पतूलानिलानां
 

दशरथसुकृतानां दासभावं भजामः ॥ ८२ ॥
 
३०७
 
</verse>
</page>