<page>
<ignore>३०४
 
श्रीरामस्तोत्रेषु
 
</ignore>
<verse>भरिता दयया दृशोः सुराणां

परितापक्षतये गृहीतचापा ।

दुरितानि धुनोतु कापि लीला-
 

च्छुरिता भूमिसुताकुचाङ्गरागैः ॥ ५३ ॥
</verse>
<verse>सुरचारणसिद्धबद्धसेवः
 

शरचापाभरणो नवाम्बुदश्रीः ।

अहिमांशुकुलार्णवेन्दुरेको
 

महिमान्तःकरणे ममाविरस्तु ॥ ५४ ॥
 
</verse>
<verse>धनुषा सह सायकं दधाने
 

जनुषा भूषितचण्डरश्मिवंशे ।
 

कुचनम्रमहीसुतानुरक्ते
 

क्वचन न्यस्तमिदं महिम्नि चेतः ॥ ५५ ॥
 
</verse>
<verse>भयकम्पितसागर प्रशस्ते
 

मयकन्यातनुमण्डनासहिष्णौ ।
 

नवगारुडरत्नभासुरे स्या-
 

दवगाढं हृदयं कक्वचित् प्रभौ मे ॥ ५६ ॥
 
</verse>
<verse>निजनामरसज्ञनीलकण्ठं
 

भजनाय प्लवगावृतोपकण्ठम् ।

बलयन्त्रितसिन्धुमन्तरेकं
 

कलयन्नन्यमुपासितुं यते कम् ॥ ५७ ॥
 
</verse>
<verse>विकटभ्रुकुटीन् विलोकतेऽरीन्
 

विशिखान् मुञ्चति विग्रहान् बिभर्ति ।
 

अनुलिम्पति शोणितैर्धरित्रीं
 

रणरङ्गे रघुपुङ्गवः समिन्धे <add>( ? )</add> ॥ ५८ ॥
 
</verse>
<verse>स्मयमानमुखेन्दुरिन्द्रनील-
 

द्युतिरम्भोज दलेक्षणो धनुष्मान् ।
 

तरलीकृतजानकीद्दगन्त -
 

स्तरुणः कश्चन में मनो <ref>1</ref>धिनोति ॥ ५९ ॥
 
</verse>
<verse merge-next="true">दलदुत्पलद।दामकोमलाङ्गी
 

दशकण्ठायुरपायकालभङ्गी ।
 
</verse>
<footnote>1. धुनोति
 
</footnote>
</page>