<page>
<ignore>श्रीरामकर्णामृतम्
 
३०३</ignore>
<verse>जनकनृपतिकन्यासस्पृहालिङ्गनार्हः
 

श्रुतियुवतिकबर्याः कोऽपि सौरभ्यसारः ॥ ४५ ॥
 
</verse>
<verse>कुवलयदलनीलः कोऽपि रक्षोवधूनां
 

कुचगिरिषु निपातं वाष्पवृष्टेर्विधाता ।
 

निखिलभुवनचेतो बर्हिनृत्तैकहेतुः
 

शमयति मम तापं शार्ङ्गवानम्बुवाहः ॥ ४६ ॥
 
</verse>
<verse>निगमशिखरि शृङ्गान्नित्यमागत्य खेल-
 

न्मुनिजनहृदरण्ये मोहसारङ्गमुक्ते ।
 

दशवदन गजेन्द्रे दर्शिता घातलीलो
 

वशयति रघुसिंहो मानसं नः प्रसन्नः ॥ ४७ ॥
 
</verse>
<verse>करयोः शरकार्मुकाभिरामं
 

पदयोरश्मविवेककृप्तरागम् ।

कलितेषुधिमंसयोः प्रभुं तं
 

करुणापूर्णमपाङ्गयोरुपासे ॥ ४८ ॥
 
</verse>
<verse>अवलम्ब्य शरासमद्रिसारं
 

गुणमाकृष्य घनध्वनिं विमुञ्चन् ।
 

विशिखान हितेषु रुक्मपुङ्खान्
 

विहरत्याहव सीम्नि वीररामः ॥ ४९ ॥
 
</verse>
<verse>चरमाङ्गनिबद्धचारुतूणं
 

सुरमाङ्गल्यधुरीणचापबाणम् ।

अलिनीलमुपैति मानसं मे
 

नलिनीनायकवंशभागधेयम् ॥ ५० ॥
 
</verse>
<verse>दृशि कारुणिकः करे धनुष्मान्
 

कुशिकापत्यमखस्य रक्षिता यः ।
 

रजनीचरतूलचण्डवातो
 

भजनीयो मम सोऽयमेक एव ॥ ५१ ॥
 
</verse>
<verse>नवनीरदनीलमात्तचापं
 

भवनीहाररविं शृणोति लोकः ।
 

अवनीतनयासखं जगत्या
 

स्तवनीयं मम दैवमेकमेव ॥ ५२ ॥
 
३०३
 
</verse>
</page>