<page>
<ignore>३००
 
श्रीरामस्तोत्रेषु
 
</ignore>
<verse>पायात् पर्णकुटीगतो घनघटा सिक्तावनीसौरभ-
प्
घ्राणव्यापृतपुष्करद्विपकुले नीपप्रसूनाकुले ।

केकाकण्ठशिखण्डिताण्डवव<error>व</error>पदे खेलत्पुरोमारुते
 

नन्दन् प्रावृषि चित्रकूटकटके सीतासखो राघवः ॥ २३ ॥
 
</verse>
<verse>अर्धावर्तितमन्त्रमर्धविरतस्वाध्यायमर्धोज्झित-
 

ब्रह्मोपासनमर्धमुक्तहवनातिथ्यादिसर्वक्रियम् ।
 

दृष्ट्वा पञ्चवटीजुषो यमृषयः सार्थं तपो मेनिरे

कन्दर्पादपि सुन्दरं व्रजति मे काकुत्स्थमेनं मनः ॥ २४ ॥
 
</verse>
<verse>चारुस्मेरमुखाम्बुजं चरणयोर्मञ्जुक्कवणन्नूपुरं

चञ्चद्रत्नललन्तिकालिकलसत्कस्तूरिकाचित्रकम् ।

कान्तव्याघ्रनखानुबन्धिकनकमैग्रैवेयकालङ्कृतं
 

कौसल्याङ्कविभूषणं कुवलयश्यामं भजामः शिशुम् ॥ २५ ॥
 
</verse>
<verse>दत्त्वा पार्श्वजुषो विदेहदुहितुश्चापं कराम्भोरुहे

गुल्फद्वन्द्वनिवेशितस्फिगवनौ कुर्वन् समौ जानुनी ।
 

दृष्ट्या कूणितया कराम्बुजयुगव्यासक्तमूलाञ्चलं
 

पश्यन् बाणमृजुं न वेति हृदि मे वीरोऽयमारोहति ॥ २६ ॥
 
</verse>
<verse>उन्मीलन्नवमञ्जरी परिमलोदञ्चद्विरेफारवै-
 

रारण्ये तुलसीवने मुखरितेऽदृश्यं शुकश्यामले ।
 

शश्वल्लीनमधीरदृग्वलयया शश्वद्गृहीतं बला-
 

ज्जानक्या सह चित्रकूटकटके देवं मनो ध्यायति ॥ २७ ॥
 
</verse>
<verse>सीता दत्तकराम्बुजं पदयुगश्लिष्यन्मणीपादुकं
 

हर्षावेक्षिविहारबर्ह्यपसृताभ्यर्णणं घटोधन्या गवा ।

स्वामिन् देव जयेति पञ्जरशुकस्वानोल्लसत्तोरणं

साकेताधिपतेरुषस्यवतु नः शय्यागृहान्निर्गमः ॥ २८ ॥
 
</verse>
<verse>पाणौ मुष्टिगृहीतपन्नगलतापर्णोच्चये विभ्रतीं
 

वामे रत्नकरण्डकं तदपरे वीटीं विदेहात्मजाम् ।

पश्यन् कूजति पार्श्वतः कलरवे दृष्ट्या तिरश्चीनया
 

मन्दस्मेरमुखीं हृदि स्फुरति मे मञ्चाधिरूढः प्रभुः ॥ २९ ॥
 
</verse>
<verse merge-next="true">शैलान्मत्तोऽवतरति करियरर्ज्यास्वनैर्वारय त्वं
 

सौमित्रे मा भवतु चकिता जानकीति प्रहिण्वन् ।
 
</verse>
</page>