<page>
<ignore>श्रीरामकर्णामृतम्
 
२९९</ignore>
<verse>नराधमुषि राघवे यदधुना मनः प्रीयते
 

समस्तसुरमस्तकप्रणतिकर्मणि ब्रह्मणि ॥ १५ ॥
 
</verse>
<verse>कटीघटितवल्कलं घनलसज्जटामण्डलं
 

करात्तशरकार्मुकं कमलपत्रमित्रेक्षणम् ।

तमालदलमेचकं धरणिकन्यकाकामुकं
 

तरङ्गितकृपारसं तरणिवंशदीपं भजे ॥ १६ ॥
 
</verse>
<verse>अचोदितफुलक्रमं पुनरपृष्टजातिक्रियं

नयानयविचारणाविधुरमस्तशङ्काकणम् ।
 

उपेयुषि विभीषणे झटिति दत्तमस्याभयं
 
२९९
 

मयेति समुदीरिता भगवतो गिरः पातु नः ॥ १७ ॥
</verse>
<verse>कल्हाराम्बुजगन्धिमन्दपवने खेलन्मृगालङ्कृते

कूजत्कोकिलबालचूत गहने कूले सरय्वाः शुभे ।

पश्यान्वेति शुकं शुकीति चिबुके गृहह्णन् करेण प्रियां

चित्ते भाति हि कोऽपि मे दशशिरोमत्तेभकण्ठीरवः ॥ १८ ॥
 
</verse>
<verse>कूजत्केकिनि चित्रकूटकटके गोदावरीमेदुरे
 

प्रत्यग्रप्रसवस्य केसरतरोः प्रच्छायशीते तले ।
 

कौशेयास्तरणे विदेहदुहितुः कुर्वाणमङ्के शिरो
 

नीलाम्भोदनिभं भजे रघुकुलप्राचीनभाग्यं प्रभुम् ॥ १९ ॥
 
त्रस्त </verse>
<verse>त्रस्तप्रस्थित हंसयूथमभितो नृत्यन्मयूरव्रजं
 

वल्मीकान्तरसंप्रविष्टभुजगं पङ्क्तीभवच्चातकम् ।
 

पुष्प्यन्नीपसिलीन्ध्रकेत कजनस्थानाटवीमेयुषा
 

कालिन्म्ना मम केनचित् कवचितं चेतो विराधद्विषः ॥ २० ॥
 
</verse>
<verse>संरम्भस्खलितोत्तरीयमवनिन्यस्ताम्रपादाम्बुजा -
 

वुद्यम्य श्लथनीवि पुष्पनिचयं संगृहह्णतीं जानकीम् ।

पश्यन् पञ्चवटीवने मुहुरपि प्रच्छन्न एवान्तिके
 

हस्तोपात्तधनुश्शरः स्फुरति मे चित्ते रघुग्रामणीः ॥ २१ ॥
 
</verse>
<verse>निर्वृत्ते खरदूषणत्रिशिरसामुन्<delete>मा </delete><add>[मू ]</add>लनादाहवे
 

वैदेही परिषस्वजे सपदि यं मूर्ता जयश्रीरिव ।

उन्मीलत्पुलकश्रमाम्भसि धनुर्न्यस्तै कहस्ताम्बुजे
 

तस्मिन् सस्मितवक्त्रचन्द्रमसि मे देवे मनो धावति ॥ २२ ॥
 
</verse>
</page>