<page>
<ignore>२९८
 
श्रीरामस्तोत्रेषु
 
</ignore>
<verse>भरतविदितपादुकाप्रभावं
 

धरतनुजारमणीयनामधेयम् ।
 

करतलधृतकार्मुकं पुमांसं
 

मरतकनीलशरीरमा श्रयामः ॥ ८ ॥
 
</verse>
<verse>निटिलनयननिर्वृतिप्रदाख्यं
 

कुटिलनिशाचरकुम्भिनां मृगेन्द्रम् ।

कटिलसदसिमम्बुदाभमेकं
 

जटिलमुरीकृतचापबाणमीडे ॥ ९ ॥
 
</verse>
<verse>निलयमखिलमङ्गलस्य रक्षो-
 

बलयवस प्रबलानिलायितास्त्रम् ।
 

कलयति हृदयं विदेहकन्या-
 

वलयपदाङ्कितकन्धरं पुमांसम् ॥ १० ॥
 
</verse>
<verse>विमोहयति विष्टपत्रयजनान् गुणारोपण-
 

क्षणत्रुटित चण्डिकार मणचापचण्ड<delete>ध्वनिम म्</delete><add>[ध्वनौ ]</add> ।

जयत्यसकृदुन्मिषत्पुलकयोरपेतत्रपं
 

परपस्परनिरीक्षणं रघुवरक्षमाकन्ययोः ॥ ११ ॥
</verse>
<verse>करोमि हृदयाम्बुजे कमपि वीरमम्भोनिधे-

र्निबन्धनमपीन्धन <add>... ...</add> बन्धुतूणीशयम् ।
 

न कश्चिदपि दृश्यते जगति यस्य शक्तो जये

स्मरप्रहितजानकी नयन नयनपद्मवाबाणं विना ॥ १२ ॥
 
</verse>
<verse>क एष दलदुत्पलद्युतिरुदारवेषोज्ज्वलः
 

स्वयं विशति मे मनस्त्वरितमाः परिज्ञायते ।

स एष ननु जानकीकुचतटीपटीरद्रव-
 

प्रसक्तरसवासनाघुमुघुमायमानः प्रभुः ॥ १३ ॥
 
</verse>
<verse>भजे शरधनुर्धरं विकटचित्रकूटाटवी-
 

चरं कमपि शङ्करप्रणयिनीप्रियाख्यं प्रभुम् ।

स्फुटं कलितकुङ्कुमा वदति यस्य वक्षस्तटी
 

मृगेन्द्ररसितत्रसज्जनकजाहठालिङ्गनम् ॥ १४ ॥
 
</verse>
<verse merge-next="true">चिराय विधुरस्य मे विषयघर्मघोरातपैः
 

पयोदनिचयोदय प्रतिनिधिः किलेयं दशा ।
 
</verse>
</page>