<page>
<ignore>२९६
 
श्रीरामस्तोत्रेषु
 
</ignore>
<verse>शम्भुः स्वयं निरदिश द्गिरिकन्यकायै
 

यन्नाम राम तव नामसहस्रतुल्यम् ।

अर्थं भवन्तमपि तद्वहदेकमेव
 

चित्रं ददाति गुणते चतुरः किलार्थान् ॥ ४५ ॥
 
</verse>
<verse>षट् ते विधिप्रभृतिभिः समवेक्षितानि

मन्त्राक्षराणि ऋषिभिर्मनुवंशकेतो ।

एकेन यानि गुणितान्यपि मानसेन

चित्रं नृणां त्रिदशतामुपलम्भयन्ति ॥ ४६ ॥
 
</verse>
<verse>सर्गस्थितिप्रलयकर्मसु चोदयन्ती
 

माया गुणत्रयमयी जगतो भवन्तम् ।

ब्रह्मेति विष्णुरिति रुद्र इति त्रिधा ते
 

नाम प्रभो दिशति चित्रमजन्मनोऽपि ॥ ४७ ॥
 
</verse>
<verse>हंसोऽसि मानसचरो महतां यतस्त्वं
 

संभाव्यते कील ततस्तव पक्षपातः ।

मय्येनमर्पय न चेद्रघुनन्दन ........
 
<ellipsis>... ...</ellipsis>
जिष्णोरपि त्रिभुवने समव ...
 
...
 
118211
 
<ellipsis>... ...</ellipsis> ॥ ४८ ॥</verse>
<verse>लक्ष्मीर्यतोऽजनि यथैव जलाशयाना-

मेको रुषा तव तथा कृपयापि कार्यः ।

अन्योऽपि कश्चिदिति चेदहमेव वर्ते

तादृग्विधस्तपनवंशमणे किमन्यैः ॥ ४९ ॥
 
</verse>
<verse>क्षन्तुं त्वमर्हसि रघूद्वह मेऽपराधान्
 

सर्वंसहा ननु वधूरपि ते पुराणी ।
 

वासालयं च ननु हृत्कमलं मदीयं
 

कान्तापरापि न हि किं कमलालया ते ॥ ५० ॥
 
</verse>
<verse>इत्थं मम स्तुवदमर्त्यनिगद्यमान-
 

त्रय्यन्तमन्त्र मुखरीकृतपादपीठ ।
 

राजाधिराज कृपया रघुवीर वर्ण-
 

मालास्तवं त्वमवकर्णयितुं प्रसीद ॥ ५१ ॥
 
</verse>
<trailer>॥ इति श्रीरामवर्णमालिकास्तोत्रं सम्पूर्णम् ॥
 
</trailer>
</page>