Stotrarnava /342

2026-04-03 16:52:44 by ambuda-bot

This page has not been fully proofread.

२९६

श्रीरामस्तोत्रेषु

शम्भुः स्वयं निरदिश गिरिकन्यकायै

यन्नाम राम तव नामसहस्रतुल्यम् ।
अर्थं भवन्तमपि तद्वदेकमेव

चित्रं ददाति गुणते चतुरः किलार्थान् ॥ ४५ ॥

षट् ते विधिप्रभृतिभिः समवेक्षितानि
मन्त्राक्षराणि ऋषिभिर्मनुवंशकेतो ।
एकेन यानि गुणितान्यपि मानसेन
चित्रं नृणां त्रिदशतामुपलम्भयन्ति ॥ ४६ ॥

सर्गस्थितिप्रलयकर्मसु चोदयन्ती

माया गुणत्रयमयी जगतो भवन्तम् ।
ब्रह्मेति विष्णुरिति रुद्र इति त्रिधा ते

नाम प्रभो दिशति चित्रमजन्मनोऽपि ॥ ४७ ॥

हंसोऽसि मानसचरो महतां यतस्त्वं

संभाव्यते कील ततस्तव पक्षपातः ।
मय्येनमर्पय न चेद्रघुनन्दन ........

जिष्णोरपि त्रिभुवने समव ...

...

118211

लक्ष्मीर्यतोऽजनि यथैव जलाशयाना-
मेको रुषा तव तथा कृपयापि कार्यः ।
अन्योऽपि कश्चिदिति चेदहमेव वर्ते
तादृग्विधस्तपनवंशमणे किमन्यैः ॥ ४९ ॥

क्षन्तुं त्वमर्हसि रघूद्वह मेऽपराधान्

सर्वंसहा ननु वधूरपि ते पुराणी ।

वासालयं च ननु हृत्कमलं मदीयं

कान्तापरापि न हि किं कमलालया ते ॥ ५० ॥

इत्थं मम स्तुवदमर्त्यनिगद्यमान-

त्रय्यन्तमन्त्र मुखरीकृतपादपीठ ।

राजाधिराज कृपया रघुवीर वर्ण-

मालास्तवं त्वमवकर्णयितुं प्रसीद ॥ ५१ ॥

॥ इति श्रीरामवर्णमालिकास्तोत्रं सम्पूर्णम् ॥