<page>
<ignore>श्रीरामनामस्तुतिः
 
३५७
 
</ignore>
<p>श्रितचिन्तामणिमतिकरुण (णाकर मरिहरमुरुतरशरकोदण्डं भो चेतः श्रीरामं
 

भज शरणम् ॥ ७ ॥
 
</p>
<verse>एवं स्तुत्वा रामचन्द्रं मुनीन्द्राः
 

प्रत्येकं ते भक्तिनम्रास्तदानीम् ।

आपन्नार्तिध्वान्तभानुं प्रपन्ना-

स्तूष्णीमासनन् ग्रामपादैकनिष्ठाः ॥ ८ ॥
 
</verse>
<trailer text="10_END">॥ इति श्रीरामसप्तर्षिस्तोत्रं सम्पूर्णम् ॥
 
</trailer>
<title text="11_START">११. ॥ अथ श्रीरामनामस्तुतिः ॥
</title>
<verse>राशब्दोच्चारणादेव मुखान्निर्यान्ति पातकाः ।

पुनः प्रवेशनभिया मशब्दस्तु कवाटवत् ॥ १ ॥
</verse>
<verse>रामेति वर्णद्वयमादरेण
 

सदा स्मरन् मुक्तिमुपैति जन्तुः ।

कलौ युगे कल्मषमानसाना-
 

मन्यत्र धर्मे खलु नाधिकारः ॥ २ ॥
 
</verse>
<verse>जानाति राम तव नामरुचिं महेशो

जानाति गौतमसती चरणप्रभावम् ।

जानाति दोर्बलपराक्रममीशचापो
 

जानात्यमोघपटुबाणगतिं पयोधिः ॥ ३ ॥
 
</verse>
<verse>जानाति राम तव चित्तगतिं हनूमान्
 

जानाति राम तव सख्यगतिं कपीशः ।
 

जानाति राम तव युद्धगतिं दशास्यो
 

जानाति राम तव मोक्षगतिं <delete>गजेन्द्रः </delete><add>[ खगेन्द्रः </add><ref>1 </ref><add>]</add> ॥ ४ ॥
 
</verse>
<verse>पटुतरजलधीरध्वानमादाय चापं
 

पवनजवनमेकं बाणमाकृष्य तूणात् ।

अभयवचनदायी सानुजः सर्वतो मे
 

रणहतदनुजेन्द्रो रामचन्द्रः सहायः ॥ ५ ॥
</verse>
<trailer text="11_END">॥ इति श्रीरामनामस्तुतिः सम्पूर्णा ॥
 
</trailer>
<footnote>1. जटायुरित्यर्थ:
 
17
 
थः</footnote>
<ignore>१७</ignore>
</page>