<page>
<ignore>२५०
 
श्रीरामस्तोत्रेषु
 
</ignore>
<verse>वनविहारिणो वल्कलाम्बरौ

वनफलाशिनौ वासवस्तुतौ ।

वरगुणाकरौ वानरार्चितौ
 

रहसि नौमि तौ रामलक्ष्मणौ ॥ ४ ॥
 
</verse>
<verse>घनतटिन्निभौ खडड्गधारिणौ
 

घनजटाम्बरौ खण्डितव्यथौ ।
 

करशिलीमुखौ खरकरप्रभौ
 

रहसि नौमि तौ रामलक्ष्मणौ ॥ ५ ॥
 
</verse>
<verse>सवनरक्षकौ सत्यसङ्गरौ
 

समरभीकरौ साहसान्वितौ ।
 

सदयमानसौ सर्वपूजितौ
 

रहसि नौमि तौ रामलक्ष्मणौ ॥ ६ ॥
 
</verse>
<verse>मकरकुण्डललौ मौनिसेवितौ
 

मनुकिरीटिनौ मानुषोत्तमौ ।
 

मनुकुलेश्वरौ मञ्जुभाषिणौ
 

रहसि नौमि तौ रामलक्ष्मणौ ॥ ७ ॥
 
</verse>
<verse>वरगुणास्पदं राघवाष्टकं
 

रहसि यः पठेद्रामभक्तिदम् ।

रहितकल्मषं रामसन्निधौ
 

रविसमप्रभो राजते सदा ॥ ८ ॥
 
</verse>
<p text="END">॥ इति श्रीराघवाष्टकं सम्पूर्णम् ॥
 
सूत उवाच -
 
श्रीभीष्मः -
 
</p>
<footnote text="START">९. ॥ अथ श्रीरामविश्वरूपस्तवः ॥
 
</footnote>
<verse>सूत उवाच ---
ततो बदरिकारण्यं पुण्यं प्राप्य सुधर्मधीः ।
 

व्यासं मुनिवरश्रेष्ठं नत्वा <error>भो</error><fix>भी</fix>ष्मोऽब्रवीद्वचः ॥ १ ॥
 
</verse>
<verse>श्रीभीष्मः ---
मया मुनिवरश्रेष्ठ विश्रुता <error>हिं</error><fix>हि</fix> सहस्रशः ।

गणेशशक्तिसूर्येशचक्रिणां स्तुतयोऽमलाः । २ ॥
 
</verse>
</page>