Stotrarnava /270

2026-04-02 21:27:20 by ambuda-bot

This page has not been fully proofread.

२२४

श्रीविष्णुस्तोत्रेषु

एक: सुधीरिव गृहीतसुदर्शनस्ते
बाहुः परो धनद्वत्समुपेतशङ्खः ।
पद्मान्वितोऽन्यतम इभ्यगृहोपमश्च

शेषो महागदतयर्षभशैलतुल्यः ( ? ) ॥ ५४ ॥

धारासहस्रकृतदानववंशदाहं
दोषानुषङ्गपरिवृद्धगुणं तवेदम् ।
चक्रं निरस्तभवचक्रमुपाश्रिताना-

मास्माकरक्षणमनुक्षणमादधातु ॥ ५५ ॥
अब्जन्मनैव न हि केवलमापदात्यात् (?)
अध्याप्तवान् सहजताममृतद्युतेर्यः ।
सोऽयं भुजाग्रवसतिस्तव पाञ्चजन्यः
श्रयेत मन्द्रनिनदो मदसुप्रयाणे ॥ ५६ ॥

पङ्केरुहं करगतं तव पाणिपाद-

नेत्राननं युधि विजेतुमुपागतेषु ।

एकं गृहीतमिव भाति सरोरुहेषु

भीत्या प्रधाव्य पतितानि वने परणि ॥ ५७ ॥

कौमोदकी त्वसमयेष्वपि रोषभारत्

दैत्यान् समेत्य सतृणं निहनिष्यतीति ।

मत्वा ततः किमु निरोद्धुमयि त्वया सौ

एकेन पाणिकमलेन धृता सदास्ते ॥ ५८ ॥

रोमावलिस्तव विराजति हारयष्टयो -

मध्यस्थता विमलयोर्मधुपस्रगाभा ।
गङ्गाप्रवाहयुगलस्य गतोऽन्तरालं

ऊर्ध्वं प्रवृत्त इव भानुसुताप्रवाहः ॥ ५९ ॥

अभ्यर्थितानि ददती भजतां फलानि

नाभ्यालवालत उदेत्य रुगम्बुपूर्णात् ।
आरूढवत्युदरदेशमतीत्य वक्षो

रोमालिकल्पलतिका तव भासते सा ॥ ६० ॥

नाभिप्रहिर्विमलया प्रभया पयोभि-

रापूरितस्तव विभाति गभीररूपः ।

1.

यमुनाप्रवाहः कृष्णवर्णः