<page>
<title>२.
 
॥ अथ श्रीदशावतारमङ्गलाशासनम् ॥
 
</title>
<verse>आदावम्बुजसंभवादिविनुतः शान्तोऽच्युतः शाश्वतः
 

संफुल्लामल पुण्डरीकनयनः पुण्यः पुराणः पुमान् ।

लोकेशः श्रुतिचोरसोमकहरो'<ref>1</ref> मत्स्यावतारो हरिः
 
श्रीमान्
श्रीमान् <ref>2</ref>सिंहगिरीश्वरः करुणया दद्यात्सदा मङ्गलम् ॥ १ ॥
</verse>
<verse>सप्तद्वीपकुलाचलेन्द्र जलधि ' <ref>3</ref>स्तोमाभिसंक्रान्तभू-

भारालीढफणीन्द्रमन्दरधरो मन्दारमालार्चितः ।
 

भावज्ञो बहुचक्रलाञ्छिततनुः कूर्मावतारो हरिः
 

श्रीमान् सिंहगिरीश्वरः करुणया दद्यात्सदा मङ्गलम् ॥ २ ॥
 
</verse>
<verse>लीला लोडित सर्वसागरजलः सम्पूर्णचन्द्रप्रभो
 

हेमाक्षासुरखण्डनो भुजगदः चक्राङ्कितः सन्ततम् ।
 

दंष्ट्रा प्ग्रोद्धृतमेदिनीभयहरः <ref>4</ref>क्रोडावतारो हरिः
 

श्रीमान् सिंहगिरीश्वरः करुणया दद्यात्सदा मङ्गलम् ॥ ३ ॥
 
</verse>
<verse>कुन्देन्दुस्फटिकप्रभो बहुभुजो भूषासहस्रोज्ज्वलो
 

दैत्येन्द्रोदरदारणेऽतिनिपुणः स्तम्भोद्भवो भीषणः ।

प्रह्लादार्तिहरोदयो नरमृगाकारावतारो हरिः
 

श्रीमान् सिंहगिरीश्वरः करुणया दद्यात्सदा मङ्गलम् ॥ ४ ॥
 
</verse>
<verse>धातृक्षालितपादपङ्कजभवस्रोतोमहा '<ref>5</ref>शाम्बरः
 

प्रक्षालीकृतपादपद्मयुगलो बालो जगज्जीवनः ।
 

भिक्षार्थी बलिदर्पहा पटुवटुः '<ref>6</ref>खर्वावतारो हरिः
 

श्रीमान् सिंहगिरीश्वरः करुणया दद्यात्सदा मङ्गलम् ॥ ५ ॥
</verse>
<verse>सद्यःखण्डितराजमण्डलशरीरोद्भूतरक्तापगा-
 

<add>[संसिक्ताखिलभूतलः]</add> पितृवचःसम्पालने निष्ठितः ।
 

वेदज्ञो जमदग्निजः परशुभृद्रामावतारो हरिः
 

श्रीमान् सिंहगिरीश्वरः करुणया दद्यात्सदा मङ्गलम् ॥ ६ ॥
 
</verse>
<footnote>1. वेदापहारकः ह<error>हीयग्रावा</error><fix>हयग्रीवा</fix>परनामा असुरः
 
4.
 
वराहावतारः
 
</footnote>
<footnote>2. सिंहाचलः
 
</footnote>
<footnote>3. स्तोमाभ</footnote>
<footnote>4. वराहावतारः</footnote>
<footnote>5.
 
शांबरी
 
• = इन्द्रजालम्
 
3.
 
स्तोमाभ
 
.
 
</footnote>
<footnote>6.
 
वामनावतारः
 
</footnote>
</page>