<page>
<ignore>॥ अथ श्रीविष्णुस्तोत्राणि ।
</ignore>
<title>१. ॥ अथ श्रीनाममौक्तिकमाला ॥
 
</title>
<verse>यत्पदाम्भोरुहध्यानविध्वस्ताशेषकल्मषः ।

वस्तुतामुपयातोऽहं यामुनेयं नमामि तम् ॥ १ ॥
 
</verse>
<verse>श्रीनाममौक्तिकैर्माला यामुनार्येण निर्मिता ।
 

ऋषि<delete>सूक्ति</delete><add>[शुक्ति ]</add>समुद्भूतैर्निर्दोषैः श्रुतिसागरे ॥२॥
 
</verse>
<verse>आराधनाय हरये जगदानन्ददायिने ।
 

श्रीनाथनायक<delete>पति </delete><add>[मणिः ]</add> नारायणगुणान्विता ॥ ३ ॥
 
</verse>
<verse>सर्वकल्याणजननी जगन्मङ्गलवैभवा ।

मनीषिभिर्महाभागैर्वैष्णवैर्धिध्रियतामियम् ॥ ४॥
 
</verse>
<verse>श्रीमन्नारायणाद्रीश श्रीमन्नञ्जनशैलप ।
 

श्रीमद्वृषभशैलेन्द्र श्रीमत्सिंहनगाधिप ॥ ५ ॥
 
</verse>
<verse>श्रीशेषगोत्राभरण श्रीनिवासेति कीर्तये ।

अच्युतानन्द गोविन्द मुकुन्द गरुडध्वज ॥ ६॥
 
</verse>
<verse>जगदानन्दजनक जगज्जन्मादिकारण ।
 

नारायण जगन्नाथ शरणागतवत्सल ॥ ७ ॥
 
</verse>
<verse>सत्यसङ्कल्प सर्वज्ञ सत्यकाम सनातन ।
 

निस्समाभ्यधिक स्वस्थ स्वे महिम्नि प्रतिष्ठित ॥ ८ ॥
 
</verse>
<verse>त्रिविक्रम त्रिलोकेश शङ्खचक्रगदाधर ।
 

रमानाथ <ref>1</ref>रसानाथ नीलानाथ निरञ्जन ॥ ९ ॥
</verse>
<verse>नित्य निर्दोष निस्सीममहाविभव शाश्वत ।

त्रिगुणातीत षाड्गुण्यपरिपूर्ण परात्पर ॥ १० ॥
</verse>
<verse>पुरुषोत्तम रमानाथ पुण्यश्रवणकीर्तन ।

निर्विकार निरातङ्क नित्यानन्द निरामय ॥ ११ ॥
</verse>
<verse>यज्ञेश यज्ञपुरुष पुण्डरीकाक्ष माधव ।
 

वासुदेव विभो विष्वक्सेन वैकुण्ठ वामन ॥ १२ ॥
 
</verse>
<footnote>1.
 
रसा = भूः
 
</footnote>
</page>