Stotrarnava /209

2026-04-02 21:27:00 by ambuda-bot

This page has not been fully proofread.

॥ अथ श्रीविष्णुस्तोत्राणि ।
१. ॥ अथ श्रीनाममौक्तिकमाला ॥

यत्पदाम्भोरुहध्यानविध्वस्ताशेषकल्मषः ।
वस्तुतामुपयातोऽहं यामुनेयं नमामि तम् ॥ १ ॥

श्रीनाममौक्तिकैर्माला यामुनार्येण निर्मिता ।

ऋषिसूक्ति[शुक्ति ]समुद्भूतैर्निर्दोषैः श्रुतिसागरे ॥२॥

आराधनाय हरये जगदानन्ददायिने ।

श्रीनाथनायकपति [मणिः ] नारायणगुणान्विता ॥ ३ ॥

सर्वकल्याणजननी जगन्मङ्गलवैभवा ।
मनीषिभिर्महाभागैर्वैष्णवैर्धियतामियम् ॥ ४॥

श्रीमन्नारायणाद्रीश श्रीमन्नञ्जनशैलप ।

श्रीमद्वृषभशैलेन्द्र श्रीमत्सिंहनगाधिप ॥ ५ ॥

श्रीशेषगोत्राभरण श्रीनिवासेति कीर्तये ।
अच्युतानन्द गोविन्द मुकुन्द गरुडध्वज ॥ ६॥

जगदानन्दजनक जगज्जन्मादिकारण ।

नारायण जगन्नाथ शरणागतवत्सल ॥ ७ ॥

सत्यसङ्कल्प सर्वज्ञ सत्यकाम सनातन ।

निस्समाभ्यधिक स्वस्थ स्वे महिम्नि प्रतिष्ठित ॥ ८ ॥

त्रिविक्रम त्रिलोकेश शङ्खचक्रगदाधर ।

रमानाथ रसानाथ नीलानाथ निरञ्जन ॥ ९ ॥
नित्य निर्दोष निस्सीममहाविभव शाश्वत ।
त्रिगुणातीत षाड्गुण्यपरिपूर्ण परात्पर ॥ १० ॥
पुरुषोत्तम रमानाथ पुण्यश्रवणकीर्तन ।
निर्विकार निरातङ्क नित्यानन्द निरामय ॥ ११ ॥
यज्ञेश यज्ञपुरुष पुण्डरीकाक्ष माधव ।

वासुदेव विभो विष्वक्सेन वैकुण्ठ वामन ॥ १२ ॥

1.

रसा = भूः