Stotrarnava /175

2026-04-02 21:26:52 by ambuda-bot

This page has not been fully proofread.

श्रीमहादेवस्तुतिः

जटातटीलुठद्वियद्धुनीधलद्धलध्वन-
द्वनौघगर्जितोत्थबुद्धिसंभ्रमच्छिखण्डिने ।
विखण्डितारिमण्डलप्रचण्डदोस्त्रिशूलिने

नमः शिवाय साम्बशङ्कराय चन्द्रमौलये ॥ २ ॥

प्रहृष्टहृष्टतुष्टपुष्टदिष्टविष्टपाय सं-

नमद्विशिष्टभक्तविष्टरार्त[ ] येऽष्टमूर्तये ( ? ) ।
विदायिने धनाधिनाथसाधुसख्यदायिने

नमः शिवाय साम्बशङ्कराय चन्द्रमौलये ॥ ३ ॥
अखर्वगर्वदोर्विजृम्भदम्भकुम्भदानव-
च्छिदासदाध्वनत्पिनाकहारिणे विहारिणे ।
सुहृत्सुहृत्सुहृत्सुहृत्सुहृत्स्मयापहारिणे

नमः शिवाय साम्बशङ्कराय चन्द्रमौलये ॥ ४ ॥
अखण्डदण्डबाहुदण्डदण्डितोग्रडिण्डिम-

प्रधिं धिमिंधिमिंधिमिध्वनिक्रमोत्थताण्डवम् ।
अखण्डवैभवाहिनाथमण्डितं चिदम्बरं

नमः शिवाय साम्बशङ्कराय चन्द्रमौलये ॥ ५ ॥
॥ इति श्रीचन्द्रमौलिपनकं सम्पूर्णम् ॥

४७ ॥ अथ श्रीमहादेवस्तुतिः ॥

रुद्राय शितिकण्ठाय सुरूपाय सुवर्चसे ।
कपर्दिने करालाय हर्यक्ष्णे वरदाय च ॥ १ ॥

सृष्णे (?) पूष्णे दशभिदे देवानामधिपाय च ।
क्षेम्या [य] हरिनेत्राय स्थाणवे पुरुषाय च ॥ २ ॥
हरिकेशाय मुण्डाय क्रोधायोत्तारणाय च ।
भास्वराय सुतीर्थाय देवदेवाय रंहसे ॥ ३ ॥

उष्णीषिणे सुवक्त्राय पशुहस्ताय पार्षिणे ।
हिरण्यबाहवे राजन्योप्राय पतये दिशाम् ॥ ४॥

पशूनां पतये चैव भूतानां पतये नमः ।

वृषाय मातृभक्ताय सेनान्ये मध्यमाय च ॥ ५ ॥

9

१२९