<page>
<ignore>श्रीशङ्करकवचम्
 
१२१</ignore>
<verse>सहस्रचरणं दिव्यं सोमसूर्याग्निलोचनम् ।
 

जगद्योनिमजं ब्रह्म शिवमाद्यं सनातनम् ॥ ३४ ॥
 
</verse>
<verse>दंष्ट्राकरालं दुष्प्रेक्षं सूर्यकोटिसमप्रभम् ।

निशाकरकराकारं भेषजं भवरोगिणाम् ॥ ३५ ॥
 
</verse>
<verse>पिनाकिनं विशालाक्षं पशूनां पतिमीश्वरम् ।

कालात्मानं कालकालं देवदेवं महेश्वरम् ॥ ३६॥
</verse>
<verse>ज्ञानवैराग्यसंपन्नं नित्यानन्दमयं परम् ।

शाश्वतैश्वर्य संपूर्णणं महायोगीश्वरेश्वरम् ॥ ३७ ॥
</verse>
<verse>समस्तशक्तिसंपन्नं पुण्यकार्यं दुरासदम् ।

तारकं ब्रह्म संपूर्णमणीयांसं महत्तरम् ॥ ३८ ॥
</verse>
<verse>यतीनां परमं ब्रह्म यतीनां तपसः फलम् ।

संयमीहृत्समासीनं तपस्विजनसंवृतम् ॥ ३९ ॥
 
</verse>
<verse>विधीन्द्रविष्णुनमितं मुनिसिद्धनिषेवितम् ।

महादेवं महानन्दं देवानामपि दैवतम् ॥ ४० ॥
</verse>
<verse>शान्तं पवित्रमोङ्कारं ज्योतिषां ज्योतिरुत्तमम् ।

शंकरो मे शिरः पातु ललाटं फाललोचनः ॥। ४१॥
</verse>
<verse>विश्वचक्षुर्ददृशौ पातु रुद्रः पातु भ्रुवौ मम ।
 

गण्डौ पातु महेशानः श्रुती रक्षतु पूर्वजः ॥ ४२ ॥
</verse>
<verse>कपोलौ मे महादेवः पातु नासां सदाशिवः ।

मुखं पातु हविर्भोक्ता ओष्ठौ पातु महेश्वरः ॥ ४३ ॥
</verse>
<verse>दन्तान् रक्षतु देवेशस्तालू सोमकलाधरः ।

रसनां परमानन्दः पातु शङ्खौ शिवाप्रियः ॥ ४४ ॥
</verse>
<verse>चुबुकं पातु मे शम्भुः श्मश्रुं शत्रुविनाशनः ।

कुचं पातु भवः कण्ठं नीलकण्ठोऽवतु ध्रुवम् ॥ ४५ ॥
</verse>
<verse>स्कन्धौ स्कन्दपतिः पातु बाहू पातु महाभुजः ।

उपबाहू महावीर्यः करौ विबुधसत्तमः ॥ ४६ ॥
</verse>
<verse>अङ्गुलीः पातु पञ्चास्यः पर्वाणि च सहस्रपात् ।

हृदयं पातु सर्वात्मा स्तनौ पातु पितामहः ॥ ४७ ॥
 
१२१
 
</verse>
</page>