Stotrarnava /158

2026-04-02 21:26:49 by ambuda-bot

This page has not been fully proofread.

११२

1.

श्रीशिवस्तोत्रेषु

दिगम्बरोल्लसद्वपुर्धरं धरारथान्वितं

हृदम्बुजे जगद्गुरूं चिदम्बरं विभावये ॥ ८॥

सदन्तरङ्गसज्जनौघपापसङ्घनाशने

मदान्धयुक्तदुर्जनालिशिक्षणे विचक्षणः ।
चिदम्बराख्यसद्गुरुस्वरूपमेत्य भूतले

सदाशिवो विराजते सदा मुदान्वितो हरः ॥ ९ ॥
चिदम्बराख्यसद्गुरोरिदं सदा विलासिनं

नुदा लिखन्ति ये सकृत् सदोपमानमष्टकम् ।
सदा वशे[ से ] तदा लये हरिप्रिया तदानने
विधिप्रिया च निश्चला जगद्गुरोरनुग्रहात् ॥ १० ॥
॥ इति श्रीचिदम्बरपञ्चचामरस्तोत्रं सम्पूर्णम् ॥

३८. ॥ अथ श्रीताण्डवस्तोत्रम् ॥
नमस्कृत्य रामं महादेवदेवं

भवानीकटाक्षेक्षणानन्दजालम् ।
तदालोकलोलं महानृत्यलीलं भजे
पार्वतीशं महाताण्डवेशम् ॥ १ ॥
भवान्तं भजे तं हृदन्ते महान्तं
भवाधि तरन्तेन्दुकुन्दावभासम्
[भवाब्धेस्तरन्तीं दुकूलावभासम् ] ।
तमीशं रमेशार्चिताङ्घ्रि [द्वयाब्जं ]

1

भजे पार्वतीशं महाताण्डवेशम् ॥ २ ॥

जटाजूटसोमं ललाटाक्षभीमं

नटाचार्यवामं सदा पूर्णकामम् ।
सदावामभामं हृदानन्दरामं

भजे पार्वतीशं महाताण्डवेशम् ॥ ३ ॥

धराश्रीशवागीशनागेशमुख्यैः
सुरैः सेवितं तालवीणादिहस्तैः ।
पदाघातसङ्घातसघृष्टदैत्यं

भजे पार्वतीशं महाताण्डवेशम् ॥ ४ ॥

तरन्ती = नौका ।