<page>
<ignore>१००
 
श्रीशिवस्तोत्रेषु
 
</ignore>
<verse>नानाविधागमरहस्यविबोधकाय

स्वीयानुभावपरिकल्पित भावनाय ।

भक्ताय भक्तिविवशान्मलनाशनाय

स्वर्गापवर्गसुखदाय नमः शिवाय ॥ ७ ॥
 
</verse>
<verse>लोकत्रया<delete>ध्व</delete><add>[घ]</add>हरणोत्सुकमानसाय

लोकत्रयार्चितपदाय जगन्मयाय ।

श्रीभट्टबाणकविसूक्तिविराजिताय
 

कैवल्यदाननिपुणाय नमः शिवाय ॥ ८ ॥
</verse>
<trailer text="27_END">॥ इति श्रीबाणाष्टकं सम्पूर्णम् ॥
 
</trailer>
<footnote text="28_START">२८. ॥ अथ श्रीमल्लिकार्जुनस्तोत्रम् ॥
</footnote>
<verse>श्रीकण्ठादिसमस्तरुद्रनमितो वामार्धजानिः शिवः

प्रालेयाचलहारहीरकुमुदक्षीराब्धितुल्यप्रभः ।

विष्वक्सेनविघातमस्तमकुटीरत्नप्रभाभास्वरः
 

श्रीमत्पर्वतमल्लिकार्जुनमहादेवः शिवो मे गतिः ॥ १ ॥
 
</verse>
<verse>इन्द्राद्यामरयातुधानकरवल्लीवेल्लिताशीविषा-
 

धीश शाकर्षितमन्दरागमथिताम्भोरा शिजातस्फुर-

त्कीला संहितविस्फुलिङ्गगरलग्रासैकशाम्यद्भयः

श्रीमत्पर्वतमल्लिकार्जुनमहादेवः शिवो मे गतिः ॥ २ ॥
 
</verse>
<verse>उद्यद्भासुरकासरासुरभुजादर्पाद्रिदम्भोलिभृ-
 

त्पटीरामरधेनुनायकककुद्विन्यस्तहस्ताम्बुजः ।
 

नीहाराचलकन्यकावहनपादद्वन्द्वपादोरुहः
 

श्रोमत्पर्वतमल्लिकार्जुन महादेवः शिवो मे गतिः ॥ ३ ॥
 
</verse>
<verse>नीरेजासन मुख्य निर्जरशिरः प्रच्छन्नपादद्वयः
 

सर्वज्ञत्रिपुरासुराहितगणाम्भोदौघझञ्झानिलः ।
 

मार्कण्डेय महामुनीश्वरनुत प्रख्यातचारित्रकः
 

श्रीमत्पर्वतमल्लिकार्जुनमहादेवः शिवो मे गतिः ॥ ४ ॥
 
</verse>
<verse>सद्भक्तावलिमानसाम्बुरुहचञ्चच्चञ्चरीको मृड:
 
डः
क्रीडाबन्धुरपाणिहृत्कमलपोतः कर्णगोकर्णराट् ।
 

चक्री चक्रसमस्त भूषणगणः कोलासुरध्वंसकः
 

श्रीमत्पर्वतमल्लिकार्जुनमहादेवः शिवो मे गतिः ॥ ५ ॥
 
</verse>
</page>