<page>
<ignore>श्रीनमश्शिवायरगढा
 
९७</ignore>
<verse>हंसकोटिकोटिसुप्रभाङ्ग ते नमः शिवाय ।

कंसवैरिसेव्यमस्तकाङ्ग ते नमः शिवाय ॥ २७ ॥
 
</verse>
<verse>श्रीदमित्रपुरसुरारिशिक्ष ते नमः शिवाय ।
'
<ref>1</ref>साधकामृतस्फुरत्कटाक्ष ते नमः शिवाय ॥ २८ ॥
 
</verse>
<verse>दिनकरेन्दुवह्निमुख्यदेह ते नमः शिवाय ।
 

वनजभवमुखादिवृषभवाह ते नमः शिवाय ॥ २९ ॥
 
</verse>
<verse>नीरजाप्तवहिह्निसोमनेत्र ते नमः शिवाय ।
 

नीरदोपमान कृत्तिनेत्र ते नमः शिवाय ॥ ३० ॥
</verse>
<verse>श्वेतभीतभीतिमेघवात ते नमः शिवाय ।
 

भूतपञ्चकादिहेतुभूत ते नमः शिवाय ॥ ३१ ॥
 
</verse>
<verse>शीतपातचन्द्रिकावदात ते नमः शिवाय ।
 

शातशूलहस्तवारिजात ते नमः शिवाय ॥ ३२ ॥
 
</verse>
<verse>भूरिकलुषकाण्डवातपोत ते नमः शिवाय ।

स्मेरमुख गणादिसुतसमेत ते नमः शिवाय ॥ ३३ ॥
</verse>
<verse>दुरितहरण परमहंसरूप ते नमः शिवाय ।

तरुणहरिणलाञ्छनावतंस ते नमः शिवाय ॥ ३४ ॥
 
</verse>
<verse>पार्वतीनिवासवामभाग ते नमः शिवाय ।
 

पूर्वनाथदत्त योग्यभोग्य ते नमः शिवाय ॥ ३५ ।
 
॥</verse>
<verse>भावसम्भवावलेपभङ्ग ते नमः शिवाय ।
 

सावधानहृदयहृदयसङ्ग ते नमः शिवाय ॥ ३६॥
 
</verse>
<verse>सुजनहृदयवारिजातसूर ते नमः शिवाय ।
 

भजनशीलभवसमुद्रपार ते नमः शिवाय ॥ ३७ ॥
 
</verse>
<verse>भल्लहाभिधानदारबाल ते नमः शिवाय ।
 

सल्ललितकपित्थकान्तिजाल ते नमः शिवाय ॥। ३८ ॥
 
</verse>
<verse>वरकरारविन्दहरिण '<ref>2</ref>पाक ते नमः शिवाय ।
 

सुरगिरीन्द्रनिलय वीतशोक ते नमः शिवाय ॥ ३९ ॥
 
</verse>
<verse>सुरुचिराद्रिजामनोऽर्धचोर ते नमः शिवाय ।

परिहृतानघालिभेदभार ते नमः शिवाय ॥ ४० ॥
 
९७
 
</verse>
<footnote>1.
 
सादरा
 
7.
 
</footnote>
<footnote>2. वाक
 
</footnote>
</page>