<page>
<footnote>२५. ॥ अथ श्रीनमशिवाष्टकम् ॥
</footnote>
<verse>आद्याय सर्वजगतामखिलेष्टदाय

नित्याय निर्जितसुरासुरवैभवाय ।

कुन्देन्दुगौरवपुषे कुसुमास्त्रहन्त्रे
 

देवाय भक्तवरदाय नमः शिवाय ॥ १ ॥
 
</verse>
<verse>गङ्गाधराय गरुडध्वजवन्दिताय
 

गौरीसखाय करूणा मृतसागराय ।
 

उद्गातने <add>(?)</add> कुसुमकर्बुरकन्धराय
 

पूर्णाय पुष्करकचाय नमः शिवाय ॥ २ ॥
 
</verse>
<verse>संसारसागरसमुत्तरणष्प्लवाय

सोमानलार्कनयनाय सुरार्चिताय ।
 

दुष्कर्मधर्मजलदाय दुरासदाय
 

दुष्टात्मनां पुरहराय नमः शिवाय ॥ ३ ॥
 
</verse>
<verse>वेदाय वेदनिलयाय विदां वराय
 

विज्ञानमात्रवपुषे विविधात्मकाय ।
 

यज्ञान्तकाय यजतामभयप्रदाय
 

यज्ञार्चिताय गिरिशाय नमः शिवाय ॥ ४॥
 
</verse>
<verse>यन्नाम जन्तुरवशोऽपि गृणन् कदाचित्
 

यामीं न याति भयदामिह यातनालिम् ।

तस्मै जरामरणजन्मभयातिगाय
 

गन्धर्वगीतयशसेऽस्तु नमः शिवाय ॥ ५ ॥
 
</verse>
<verse>नान्तं च मध्यमथवादिमजः स चाहं

विष्णुस्तथैव यमितेन्द्रियचेतसोऽपि ।

जानन्ति सन्मुनिवराश्च तथामरेशाः
 

गन्धर्वगीतयशसेऽस्तु नमः शिवाय ॥ ६ ॥
 
</verse>
<verse>भूतेश्वराय भुजगेन्द्रविभूषणाय
 

भूतित्रयाय भुवनाधिपवन्दिताय ।

पीताम्बरप्रियसखाय पिनाकदोष्णे
 

नानाविचित्र गतयेऽस्तु नमः शिवाय ॥ ७ ॥
 
</verse>
</page>