<page>
<ignore>श्रीनमशिवाष्टकम्
 
९३</ignore>
<verse>कुन्देन्दुशङ्खस्फटिकोपमाय

महेश्वरायाश्रितवत्सलाय ।
 

श्रीनीलकण्ठाय यमान्तकाय
 

शिवासमेताय नमः शिवाय ॥ २ ॥
 
</verse>
<verse>भुजङ्गचक्राधिपभूषणाय
 

नानामणिभ्राजितकुण्डलाय ।
 

कर्पूरगौराय सुरेश्वराय
 

शिवासमेताय नमः शिवाय ॥ ३ ॥
 
</verse>
<verse>घोराधिकाघौघनिवारणाय
 

स्वर्गापवर्गादिफलप्रदाय ।
 

निरामयायान्धकसूदनाय
 

शिवासमेताय नमः शिवाय ॥ ४ ॥
 
</verse>
<verse>त्रिकाग्निकालाय मनोन्मनाय
 

त्रियम्बकाय त्रिपुरान्तकाय ।
 

कालाग्निरुद्राय जगन्मयाय
 

शिवासमेताय नमः शिवाय ॥ ५ ॥
 
</verse>
<verse>दयासमुद्राय निधीश्वराय
 

धनेशमित्राय सुधामयाय ।
 

कारुण्यरूपाय मनस्कराय
 

शिवासमेताय नमः शिवाय ॥ ६ ॥
 
</verse>
<verse>ब्रह्मेन्द्रविष्ण्वादिसुरार्चिताय
 

देवादिदेवाय दिगम्बराय ।
 

अनन्तकल्याणगुणार्णवाय
 

शिवासमेताय नमः शिवाय ॥ ७ ॥
 
</verse>
<verse>वेदान्तवेद्याय जगन्मयाय
 

कैलासवासाय शिवाधराय ।
 

शिवस्वरूपाय सदाशिवाय
 

शिवासमेताय नमः शिवाय ॥ ८ ॥
 
</verse>
<verse>इति स्तुत्वा महादेव सर्वव्यापिनमीश्वरम् ।
 

पुनः पुनः प्रणम्याथ स्कन्दस्तस्थौ कृताञ्जलिः ॥ ९ ॥
 
</verse>
<trailer>॥ इति श्रीनमश्शिवाष्टकं सम्पूर्णम् ॥
 
९३
 
</trailer>
</page>