<page>
<ignore>श्रीमातृभूतेश्वरस्तोत्रम्
 
८३</ignore>
<verse>उमावचः प्रतिप्रभाषणाज्ञमप्यधीश्वरं
 

सुवाग्मिनामपि प्रियं जितेन्द्रियोत्तमं रतौ ।

अजय्यमप्युमामुदे सुमेषुणा विनिर्जितं
 

नमामि मातृभूतसाम्बमूर्ति मेव सन्ततम् ॥ ५ ॥
 
</verse>
<verse>कुरङ्गलोचनाऽगजाविलासहर्षमानसं

गजास्यशौरिबालकेलिदर्शनातिविस्मितम् ।

सुनन्दिबाणभृङ्गिचण्डिरावणादिपूजित
 
तं
नमामि मातृभूतसा म्वम्बमूर्ति मेव सन्ततम् ॥ ६ ॥
 
</verse>
<verse>सुमृत्तिका शिलादिपूषूधियामपीष्टदायकं <add>( ? )
</add>
सुपुत्रनीलकण्ठनामधेयवक्तुरिष्टदम् ।

मृगं हरेषुमाहरेति वक्तुराशु मुक्तिदं
 

नमामि मातृभूतसाम्बमूर्ति मेव सन्ततम् ॥ ७ ॥
 
</verse>
<verse>समस्तलोकदग्धुकामकालकूट भक्षकं
 

भिषग्वरं त्रिविष्टपस्य मातृभूतमीश्वरम् ।

मृकण्डुसूनुरक्षणाय मृत्युदर्पभञ्जकं
 

नमामि मातृभूतसाम्बमूर्ति मेव सन्ततम् ॥ ८ ॥
 
</verse>
<verse>अनाथगर्भिणीस्त्रियः शिशोः सुतस्य मे सदा
 

सुखप्रदं सुमातृवत् शरण्यमेव नान्यथा ।

कृपारसार्द्र मानसेशमच्युतप्रियं शिवं
 

नमामि मातृभूतसाम्बमूर्ति मेव सन्ततम् ॥ ९ ॥
 
</verse>
<verse>सुगन्धि कुन्तलाम्बिकासमेतमद्रिवासिनं

समीपवर्तिरङ्गनाथजम्बुकेश्वरप्रभुम् ।

अनाथगर्भिणीवधूसुखप्रसूतिकारकं
 

नमामि मातृभूत साम्बमूर्ति मेव सन्ततम् ॥ १० ॥
 
</verse>
<verse>इयं समस्त कामदा नवप्रसून मालिका

नृणामशेषकर्मजन्यशोककक्षपावका ।

सुदर्शनाख्यपण्डितेन भक्तियुक्तचेतसा
 

विलिख्यते शिवप्रसादलेशला भवैभवात् ॥ ११ ॥
 
</verse>
<verse merge-next="true">या कृपा गर्भिणीत्राणे या कृपा मुनिनन्दने ।

मातृभूतेश्वर क्षिप्रं सा कृपा मयि दीयताम् ॥ १२ ॥ ·
 
८३
 
</verse>
</page>