<page>
<ignore>८२
 
श्रीशिवस्तोत्रेषु
 
</ignore>
<verse>जातस्य दिव्यभवने तिर्यग्योनौ मनुष्ययोनौ वा ।

सा मे सदैव भूयात्त्वयि भक्तिरचञ्चला भगवन् ॥ ६८ ॥
</verse>
<verse>षडुड्वर्गविपिनकृन्तनसन्निशितकुठारधारया सततम् ।
 

सा मे सदैव भूयात्त्वयि भक्तिरचञ्चला भगवन् ॥ ६९ ॥
</verse>
<verse>या परमज्ञानाङ्कुरसम्पद्धनविमलबहुलजलधारा ।

सा मे सदैव भूयात्त्वयि भक्तिरचञ्चला भगवन् ॥ ७० ॥
 
</verse>
<verse>शैवजननयनमणिनिष्यन्दनचन्द्रधारा या ।
 

सा मे सदैव भूयात् त्वयि भक्तिरचञ्चला भगवन् ॥ ७१ ॥
</verse>
<verse>इति रचयति स्म भगवत इन्दुकला शेखरस्य मलयाख्यः ।

भक्त्या भक्तिस्तोत्रं भवे भवे भक्तिरेवास्तु ॥ ७२ ॥
 
</verse>
<trailer text="15_END">॥ इति श्रीमलयराजस्तुतिः सम्पूर्णा ॥
 
</trailer>
<title text="16_START">१६. ॥ अथ श्रीमातृभूतेश्वरस्तोत्रम् ॥
</title>
<verse>प्रसन्नवक्त्रमेकदन्तमादिपूज्यमीश्वरं

सुरासुरेन्द्रसेव्यमानपादपद्ममव्ययम् ।

समस्तशोकनाशकारणं सुखप्रदं नृणां
 

उमासुतं नमामि तं समस्तविन्घ्नशान्तिदम् ॥ १ ॥
 
</verse>
<verse>अजायमानमप्यनेकधा सुजायमानमुं <add>( ? )
</add>
पुराणमप्यहं युवानमादिकारणं शिवम् ।

अपाणिपादमप्यनेकपादपाणिचक्षुषं
 

नमामि मातृभूतसाम्बमूर्ति मेव सन्ततम् ॥ २ ॥
 
</verse>
<verse>अनन्तरूपनामधेयमप्यनामरूपकं
 

कपालभिक्षमप्यशेषलोकसर्वकामदम् ।
 

अनाथमप्यशेषलोकनाथमीशमच्युतं
 

नमामि मातृभूतसाम्बमूर्ति मेव सन्ततम् ॥ ३ ॥
 
</verse>
<verse>अजीवमप्यनन्तजीवरक्षकं सुजीविनं
 

महान्तमप्यणुं हृदि स्थितं न दृश्यमीडितम् ।

बहिःस्थितं नरामरैः स्वभक्तनेतृगोचरं
 

नमामि मातृभूतसाम्बमूर्ति मेव सन्ततम् ॥ ४॥
 
</verse>
</page>